ကျွန်တော်နှင့် ပျောက်ဆုံးသွားသော "ဦးခေါင်း" များ....

ထူးဆန်းတယ်ဗျာ…။ ညက ကျွန်တော်အိပ်မက် တစ်ခုမယ်တယ်….။ အိပ်မက်ထဲမှာတော့…..။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ကျွန်တော်မနက်နိုးလို့ မျက်နှာသစ်၊ သွားတိုက်မယ်ဆိုပြီး ရေချိုးခန်းထဲ ၀င်ခဲ့ပါတယ်…။ အဲဒီ့နောက် ကျွန်တော့် ရှေ့မှာရှိတဲ့ မှန်ထဲကို ကြည့်လိုက်တဲ့ အခါမှတော့ ကျွန်တော် အရမ်းကို တုန်လှုပ် ခြောက်ခြားသွားခဲ့ရပါတယ်။ ကျွန်တော်သေသေချာချာ ထပ်ကြည့်ပါတယ်။ ဟုတ်တယ် သေချာတယ်။ ကျွန်တော့မှာ “ခေါင်း” မရှိတော့ဘူး။

ကျွန်တော်လည်း အရမ်းကို စိုးရိမ်သွားပြီး ဘေးမှာရှိတဲ့ သူငယ်ချင်းတစ်ယောက်ကို ကျွန်တော့်မှာ “ခေါင်း” မရှိ တော့ကြောင်း ပြောမယ်ဆိုပြီး ကြည့်လိုက်တော့…။ ဘုရား…ဘုရား…။ သူ့မှာလည်း ကျွန်တော့်လို့ဘဲ “ခေါင်း” မရှိတော့ကြောင်းကို ခြောက်ခြားဖွယ်ရာ တွေ့ရှိလိုက်ရပါတယ်…။

ကျွန်တော်လည်း အဲဒီ့အခါမှ ကမန်းကတန်း ရေချိုးခန်းထဲကပြေးထွက်ပြီး အဆောင်မှာရှိတဲ့ သူငယ်ချင်းတွေ အားလုံးကို လိုက်ကြည့်မိတယ်…။ ဟုတ်တယ်…။ တစ်ယောက်မှ “ခေါင်း” မရှိကြတော့ဘူး…။ ဒါပေမယ့် ထူးဆန်း တာက သူတို့အားလုံး ဘာမှမဖြစ်တဲ့ပုံ၊ နေသားကျနေတဲ့ ပုံစံတွေနဲ့ ကိုယ်လုပ်စရာရှိတာကို အေးအေးဆေး ဆေး လုပ်နေကြခြင်းပါဘဲ….။ ကျွန်တော် တော်တော်လေးကို အံ့သြသွား ပါတယ်...။ ကျွန်တော်လည်း ဒီအကြောင်းကို အားလုံးကိုသိအောင် ရှင်းပြမှ ဖြစ်တော့မယ်လို့ ဆုံးဖြတ်ပြီး တစ်ယောက်ခြင်းကို သေသေ ချာချာ လိုက်ရှင်းပြ ပါတော့တယ်…။

အဲဒီ့အခါမှာတော့ ကျွန်တော်လူမျိုးမျိုးဆီက အဖြေမျိုးမျိုးကိုရရှိခဲ့ပါတယ်…။ ကျွန်တော်နဲ့ နဲနဲရင်းနှီးပြီး ဂရုဏာစိတ်ရှိတဲ့ သူငယ်ချင်းတစ်ချို့က “သူငယ်ချင်း မင်းဘာတွေ ဖြစ်နေတာလဲ စိတ်ကိုထိန်းပါကွာ” ဆိုပြီး သတိပေးကြပါတယ်…။ နဲနဲ ပေကပ်ကပ်ဖြစ်တဲ့သူတွေကတော့ “ဘာတွေလာပြော နေတာလဲကွာ ခေါင်းရှုပ်ရတဲ့ အထဲ” ဆိုပြီး မရှိတဲ့ “ခေါင်း” ကိုကုတ်ရင်းပြောကြပါတယ်…။ တကယ့်ကို ဘုကျကျ ဂလန့် ကောင်တွေကတော့ “ခေါင်းမရှိတော့ရော ဘာဖြစ်လဲကွာ ငါတို့ လွတ်လွတ်လပ်လပ် မတွေးခေါ်ရ၊ မစဉ်းစား ရတာ ဘယ်လောက်ကြာပြီလဲ…။ ခေါင်းဆိုတာ တွေးခေါ်ဖို့၊ စဉ်းစားဖို့ မရှိရင် မလိုအပ်ပါဘူးကွာ…လေးတာပဲ အဖတ်တင်တယ်”…။ ဆိုပြီး ဟောက်လွှတ်ကျပါတော့တယ်…။

မကြာပါဘူး…။ ကျွန်တော်ဖြစ်ပျက်နေတဲ့ အကြောင်းကို ကျွန်တော့်တို့ကို တာဝန်ယူတားတဲ့ အဆောင်မှူးကြီး သိရှိသွားပြီး (သူ့မှာလည်း “ခေါင်း” မရှိပါဘူး) ကျွန်တော့်အခြေအနေကို တာဝန်ရှိတဲ့ လူကြီးတွေကို အကြောင်း ကြားပြီး ဖြေရှင်းဖို့ ကြိုးစားပါတော့တယ်…။ ကျွန်တော်လည်း အဲဒီ့သတင်းကိုကြားတော့ တော်တော်ကို ၀မ်း သာ သွားပါတယ်…။ လူကြီးတွေဆိုတာ စဉ်းစားတတ်တယ်…။ အမှန်တရားကို လက်ခံတတ်တယ်…။ အတွေ့ အကြုံရှိတယ်…။ ရင့်ကျတ် ကြတယ်လေ…။ အဲဒီ့လို အင်္ဂါရပ်တွေနဲ့ ပြည့်ဝပြီး ထူးချွန်နေကြလို့လဲ ကျွန်တော်တို့တွေကို ဦးဆောင် နေကြတာ မဟုတ်လား….????

ဒီလိုနဲ့ ကျွန်တော် သူတို့တွေနဲ့ တွေ့ဖို့နေ့ရက်ကို ရောက်ရှိလာခဲ့ပါတယ်…။ ကျွန်တော် သူတို့နဲ့ တွေ့ဖို့ သွားရာလမ်းတစ်လျှောက်မှာ မျှော်လင့်ချက်တွေ၊ ယုံကြည်ချက်တွေနဲ့ ပျော်ရွှင်နေခဲ့ပါတယ်။ ကျွန်တော် သူတို့နဲ့တွေ့ပြီး အဖြစ်အပျက်နဲ့ အခြေအနေအားလုံးကို ပြည့်ပြည့်စုံစုံ ရှင်းပြရင် လက်ခံနားလည် သဘောပေါက်ပြီး အကောင်းဆုံး ဖြေရှင်းပေး နိုင်မယ်ဆိုတာလဲ ကျွန်တော်ယုံကြည် နေခဲ့မိတယ်…။ သူတို့ဟာ အခြေအနေတစ်ခုကို အသိဥာဏ်ရှိရှိ စဉ်းစားချင့်ချိန်ပြီး ဘယ်သူမှားတယ်၊ ဘယ်သူမှန်တယ်၊ ဘာလုပ် သင့်တယ် စတာတွေကို အကောင်းဆုံး ဝေဖန်သုံးသပ်ပြီး အမှန်တရားကို လက်ခံအကောင်အထည် ဖော်ရဲကြမယ်လို့လည်း ကျွန်တော် ယုံကြည် မျှော်လင့်နေခဲ့မိတယ်လေ…။ ဒါပေမယ့်…

ကျွန်တော့် ပြသနာကို ဖြေရှင်းပေးမယ်ဆိုတဲ့ လူကြီးတွေကို ကျွန်တော်မြင်တွေ့လိုက်ရတဲ့ အချိန်မှာ တော့ ဒီတစ်ခါလည်း ကျွန်တော်ပဲ ထပ်မံကျဆုံး ပြန်ပြီဆိုတာကို သိလိုက်ရပါတော့တယ်…..။

အဲဒီ့ လူကြီးတွေမှာ လည်း “ခေါင်း” မရှိကျတော့ဘူးလေ….။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ကျွန်တော်လည်း အဲဒီ့အချိန်မှာပဲ အိပ်မက်ထဲက လန့်နိုးလာခဲ့ပါတယ်…။ တစ်ကိုယ်လုံးလဲ ချွေးတွေကို ရွှဲလို့…။ တော်သေးတာပေါ့…။ အိပ်မက်မို့လို့….။ ကျွန်တော်လည်း အဲလိုစဉ်စားမိပြီး မျက်နှာမှာ စိုနေ တဲ့ချွေးတွေကို သုတ်မယ် လုပ်လိုက်တဲ့အခါမှတော့…..။

ကျွန်တော့်မှာ အမှန်တကယ်ကို “ခေါင်း” မရှိတော့ကြောင်းကို တုန်လှုပ်စွာတွေ့ ရှိလိုက်ရပါတော့ တယ်….။

p.s- ကျွန်တော် အဆာင်နေ ကျောင်းသားဘ၀တုန်းက မက်ခဲ့ဖူးတဲ့ အိပ်မက်လေးတစ်ခုကို မှတ်မှတ်ရရ ပြန် လည် ဖော်ပြခြင်း ဖြစ်ပါတယ်။

အောင်စာရင်း...

ကျွန်တော် လွန်ခဲ့တဲ့ တစ်ပတ်လောက်က "အောက်ပါမေးခွန်းများအားဖြေဆိုပါ" ဆိုတဲ့ခေါင်းစဉ်နဲ့ ပို့စ် တစ်ခုတင်ခဲ့ပါတယ်..။ အပျော်သဘော ရေးသားတယ်လို့ပဲ ထင်ထင်…။ လေးလေးနက်နက် (ကြီးကြီး ကျယ်ကျယ်) တွေပြောထားတယ်ပဲ ယူဆယူဆ…။ တင်စရာပို့စ်အသစ်မရှိလို့ အကြံကုန်ဂဠုန်ဆား ချက်တယ်ပဲ စွတ်စွဲစွတ်စွဲ…။ ကျွန်တော် သဘောတူပါတယ်…။ အကြောင်းအရင်းကတော့ ကျွန်တော့်ရဲ့ ဒီကိုယ်ပိုင်နယ်မြေလေးဟာ လွတ်လပ်စွာ သဘောထားကွဲလွဲခွင့်၊ ထင်မြင် ယူဆခွင့် အစရှိတဲ့ မတူညီနိုင်သော စိတ်ဆန္ဒ၊ ခံစားချက်အမျိုးမျိုးအား ပွင့်လင်းစွာဖော်ထုတ်နိုင်ရန်၊ ဆွေးနွေးတိုင်ပင်နိုင်ရန် ရည်ရွယ်ထား ခဲ့တဲ့အတွက်ကြောင့်ပါ…။ (အပြုသဘောဖြစ်ဖို့တော့ လိုအပ်ပါတယ်)

အခုကျွန်တော် ယခင်ဖော်ပြခဲ့တဲ့ ပို့စ်အတွက် ကျွန်တော့်ရဲ့ ကိုယ်ပိုင်အဖြေတွေကို ဖော်ပြပေးပါမယ်..။ (ကျွန်တော့်သူငယ်ချင်းတွေရဲ့ အခေါ်အရတော့ “အောင်စာရင်း” ကြေငြာတာပေါ့လေ)။ ဒါပေမယ့် ကျွန်တော်အပေါ်မှာ ပြောပြခဲ့သလို…။ အခုဖော်ပြမယ့်အရာတွေဟာ ကျွန်တော့်ရဲ့ ကိုယ်ပိုင် ယူဆချက်၊ ခံစားချက်တွေပဲ ဖြစ်ပါတယ်..။ ကျွန်တော်ပြောတာပဲ အမှန်၊ ကျွန်တော်ပြောတာပဲ အတည်လို့ ကျွန်တော် မပြောလိုပါဘူး…။ အဲဒီ့အတွက် ကျွန်တော့်အနေနဲ့ ဘယ်သူက အဖြေအများဆုံး မှန်တယ်..။ ဘယ်သူ အောင်တယ်…။ ဘယ်သူကျတယ်…။ ဘယ်သူ ဂုဏ်ထူးထွက်တယ် ဆိုတာကိုလည်း ပြောဖို့ မဖြစ်နိုင်ပါဘူး (ဟီး…စိတ်တော့မဆိုးကြနဲ့နော်)။ ကျွန်တော်ကိုယ်တိုင်တောင်မှ အောင်ခြင်မှ အောင်မှာဆိုတော့လဲ….။

ကျွန်တော်ပေါသမျှ (အဲမှားလို့) ကျွန်တော်ကြိုးစားထားသမျှကို ကျွန်တော်နှင့် ထပ်တူလာရောက် ခံစားပေး၊ တိုင်ပင်ဆွေးနွေးပေးကြတဲ့ သူငယ်ချင်းတွေ၊ အစ်ကို၊ အစ်မတွေကိုတော့ အထူးပဲကျေးဇူး တင်ပါတယ်…။(မြှောက်တာမဟုတ်ပါဘူး…အတည်…နောက်တာပါ)။ တစ်ချို့ အဖြေတွေကတော့ ကျွန်တော် ပြောချင် တာတွေနဲ့ တူညီနေသလို…။ တစ်ချို့အဖြေတွေက ကျွန်တော်တွေးထားတာ တွေထက် ပိုကောင်းမွန် နေတာတွေကို တွေ့ရပါတယ်…။ အဲလိုအဖြေတွေကိုတော့ သူတို့ရဲ့ အဖြေတွေကို သူတို့ရဲ့ အမည်များနဲ့ ထည့်သွင်းဖော်ပြပေးသွားပါ့မယ်…။ Intro လည်း တော်တော်ကိုရှည်သွားပါပြီ…။ ကျွန်တော့် အဖြေတွေဘယ်လို ရှိတယ်ဆိုတာကို လွတ်လွတ်လပ်လပ် သဘောထားကွဲလွဲလိုက်ကြစို့လား….။

အဖြေ (၁)။ ။ သင်၏ သင့်ချစ်သူအပေါ်ထားရှိသော မေတ္တာ၏ အရှိန်အဟုန် အနည်းအများပေါ်မူ တည်ပြီး အချိန်ကာလရဲ့ အတိုင်းအတာ အပြောင်းအလဲ ရှိနိုင်ပါတယ်…။

အဖြေ (၂)။ ။ ကြားခံတွေ ဘယ်လောက်ပဲများများ သင်ထားသောကြားခံများသည် မေတ္တာတရား ဖြတ်သန်း နိုင်သော မှန်ကန်သည့် ကြားခံများ မဟုတ်ရင်တော့ ဘယ်လိုနည်းနဲ့မှ ရောက်ရှိနိုင်မှာ မဟုတ်ပါဘူး…။

အဖြေ(၃)။ ။ ကမ္ဘာ့ဆွဲငင်အားသည် ရုပ်ပိုင်းဆိုင်ရာ အရာဝတ္ထုတွေပေါ်တွင် အကျိုးသက်ရောက်မှု နှင့် ဆွဲငင်နိုင်မှု ရှိကောင်းရှိပါလိမ့်မယ်။ ဒါပေမယ့် လူတစ်ယောက်ရဲ့ စိတ်နှင့် ခံစားချက်အပေါ်တွင်တော့ မည်သို့မှ အကျိုးသက်ရောက်မှု ရှိနိုင်မှာမဟုတ်ပါဘူး။

အဖြေ(၄)။ ။ ဒီမေးခွန်းရဲ့ အဖြေကတော့ ကျွန်တော့် သူငယ်ချင်းတစ်ယောက် ဖြေသွားတာနဲ့ ကျွန်တော် ဖြေချင်တာနဲ့ တူနေတဲ့အတွက် သူ့ရဲ့ အဖြေကို ဖော်ပြပေးလိုက်ပါတယ်။

- HEART BEATS CAN BE HEARD BY OTHER’S HEART (ONLY) << Chili Chocolate>>

အဖြေ(၅)။ ။ ကိုယ်ချင်းစာနာတတ်ခြင်း (Sympathy) ဆိုသည့် ရောင်ခြည် (S-Ray)တစ်ခုအား တပ်ဆင် ပေး လိုက်လျှင် အဆင်ပြေကောင်း ပြေသွားနိုင်မယ်ထင်ပါတယ်…။

အဖြေ(၆)။ ။ လူတစ်ယောက်၏ စိတ်အစဉ်နှင့် ခံစားမှုများသည် ယေဘူယျအားဖြင့် သောကများ၊ ရှုပ်ထွေးခြင်းများ၊ မသေချာမှုများ ဖြင့်ပြည့်နှက်နေလေ့ ရှိသောကြောင့် ဖြစ်ပါတယ်…။

အဖြေ(၇)။ ။ ပထမတစ်ချက်အနေနှင့် သင်ပေးလိုက်သော အရာများ စစ်မှန်မှုရှိမရှိ အရင်စစ်ဆေးသင့် ပါတယ်..။ အဲဒီလို စစ်ဆေးပြီးလို့မှ အားလုံးမှန်ကန်နေတယ်ဆိုရင် တစ်နေ့မှာ (ဘယ်နေ့လဲ တော့ အတိအကျ မပြောနိုင်ပါ) သင့်ဆီသို့ မလွဲမသွေ ပြန်ရောက်လာမှာပါ…။ တစ်ခုခု လွဲချော်မှု ရှိနေခဲ့မယ်ဆိုရင်တော့...

အဖြေ(၈)။ ။ Tear Cycle ကတော့ ကျွန်တော် ငယ်ငယ်လေးကတည်းက စိတ်ကူးယဉ်သက်သက် စဉ်းစား ထားခဲ့ ဖူးတာလေးဖြစ်ပါတယ်…။ အဲဒါလေးကို သဘောတူမတူ မေးခြင်းသက်သက်ပါ...။

အဖြေ(၉)။ ။ ဒီမေးခွန်းရဲ့ အဖြေဟာလည်း ကျွန်တော်ဖြေချင်တာနဲ့ တိုက်ဆိုင်မှုရှိသွားတဲ့ အတွက် သူ့ရဲ့ အဖြေကိုပဲဖော်ပြပေးလိုက်ပါတယ်။

- အချိန် <<နွေမုန်တိုင်း>>

နောက်ပြီးဒီမေးခွန်းမှာ တိုက်ဆိုင်မှုတစ်ခုရှိပါတယ်။ အဲဒါကတော့

“ချစ်သူဘ၀ သာယာလှပဖို့အတွက် ချစ်သူစိတ်ကြိုက် လိုက်လျောပေးခြင်း ဆိုတာနဲ့ တိုင်းတာမယ်” ဆိုပြီး <<ညမီးအိမ်>> နဲ့ <<အိမ်လေး>> တို့က ဖြေကြခြင်းပါ…။


အဖြေ(၁၀)။ ။ သင့်ချစ်သူက သင့်ထံမှလိုချင်သော "နားလည်မှု ပမာဏ(သို့မဟုတ်)ပုံစံ" နဲ့ သင်ကသင့် ချစ်သူအား ပေးလိုသော "နားလည်မှု ပမာဏ (သို့မဟုတ်) ပုံစံ" ဆိုတဲ့ ခံစားချက် ဒြပ်စင် တွေရဲ့ Equation Balance ကို သင်ညီအောင်မညှိ နိုင်သမျှတော့ ဒီ Formula ကို ကျွန်ုပ်တို့ နားလည်နိုင်အုံးမှာ မဟုတ်ပါဘူး…။

ဒီမေးခွန်းတွေအားလုံးကို <<ကိုလင်းထက်>> နဲ့ <<မဗေဒါ>> တို့ပြောသလို တရားသဘောနဲ့ ကြည့်မယ် ဆိုရင်လည်းရပါတယ်။ ဒါပေမယ့် အမေးရှိရင် အဖြေရှိရမယ်ဆိုတဲ့ လောကရဲ့ ခေါက်ရိုးကျိုးနေတဲ့ ခပ်တုံးတုံး အယူအဆတစ်ခုအရ မေးခွန်းတွေ အားလုံးအပေါ် ကျွန်တော့် ထင်မြင်ချက် (အဖြေ) တွေကို ဖော်ပြ ပေးလိုက်ပါပြီ…။ ဒီမေးခွန်းတွေကို ကျွန်တော်ကိုယ်တိုင် ထုတ်ခဲ့တာဖြစ်ပေမယ့်… ကျွန်တော် ကိုယ်တိုင်လည်း ကိုယ့်ကိုယ်ကို အောင်မလား ကျမလားဆိုတာကို အဆုံးအဖြတ်မပေးနိုင်ပါကြောင်း…။

p.s- ကျွန်တော်အောင်လား၊ ကျလားဆိုတာကိုတော့ စာဖတ်သူများကပဲ အောက်က Comment နေရာမှာ အောင်စာရင်း ပြန်လည် ထုတ်ပြန်ပေးခဲ့ကြပါရန်....။ ။

ယနေ့.....မှ ....သို့..... နှစ်ပေါင်းများစွာ...!

ဘယ်လိုနေ့မျိုးလဲ…နှလုံးသားတွေ ရဲရင့်ခဲ့ကြတာ? ဘယ်လိုနေ့မျိုးလဲ…သမိုင်းကြောင်းကို မြင့်မြတ် စေခဲ့တာ? ဘယ်လိုနေ့မျိုးလဲ…အနာဂတ်သစ်ကို ဖွင့်လှစ်ခဲ့တာ…? ဘယ်လိုနေ့မျိုးလဲ…ရဲရင့်တဲ့ မိန့်ခွန်းတွေ ပေါ်ပေါက် ခဲ့တာ...? ဘယ်လိုနေ့မျိုးလဲ…တစ်မျိုးသားလုံး မျှော်လင့်ချက်တွေ ပွင့်လန်းခဲ့တာ…? ဘယ်လိုနေ့မျိုးလဲ သူရဲကောင်းတွေ မှတ်ကျောက်တင်ခံခဲ့ကြတာ…? ဘယ်လိုနေ့မျိုးလဲ… ငါတို့လူမျိုးတွေ စည်းရုံးခဲ့ကြတာ…? ဘယ်လိုနေ့မျိုးလဲ… ငါတို့လက်ရုံးတွေ မီးတောက်ခဲ့ကြတာ…? ဘယ်လိုနေ့မျိုးလဲ….မြန်မာဆိုတာ ကမ္ဘာက သိခဲ့တာ…?

ဒီနေ့ကို ရောက်ဖို့ ကာလအတော်ကြာကတည်းက ရင်ခုန်တက်ကြွစွာစောင့်စားခဲ့ကြရတယ်…။ နှလုံးသားတွေ တဖျတ်ဖျတ်နိုးကြားနေခဲ့ကြတယ်…။ မျိုးချစ်စိတ်တွေ သွေးကြောထဲ တသွင်သွင်စီး ဆင်းနေခဲ့ကြတယ်…။ စွန့်လွှတ် အနစ်နာခံလိုခြင်း ၀ိဥာဉ်တွေက ဘယ်သူမှ တိုက်တွန်းစရာမလိုဘဲ အင်အားတွေ ပြည့်နေခဲ့ ကြတယ်…။ ငါ့နိုင်ငံအတွက်…။ ငါ့လူမျိုးအတွက်…။ ငါ့ဘာသာသာသနာ အတွက်…။ သာယာလှပတဲ့ အနာဂတ်သစ်တစ်ခုအတွက်…။ နှစ်ပေါင်းများစွာ ခိုအောင်းခဲ့ရတဲ့ အမှောင်ကိုခွင်းမဲ့ မီးရှူးတစ်ခုကို ထွန်းညှိဖို့အတွက်….။ သို့မဟုတ်….။ စစ်မှန်တဲ့ လွတ်လပ်မှုတစ်ခုအတွက်….။

ကျယ်ပြန့်တဲ့ မြက်ခင်းပြင်တစ်ခုရဲ့ အတွင်းမှာ ငါတို့ဖခင်ရဲ့ ရဲရဲတောက်မိန့်ခွန်းတစ်ခုဟာ ကမ္ဘာကို ရိုက်ခတ်စေခဲ့တယ်…။ငါတို့ဖခင်နဲ့ ငါတို့ ညီအစ်ကို နောင်တော်တွေရဲ့ ရဲစွမ်းသတ္တိတွေ မီးဟုန်းဟုန်း တောက်နေခဲ့တယ်…။ ကြည်လင်နေတဲ့ ကောင်းကင်ဟာ ငါတို့ရဲ့ ငြိမ်းချမ်းရေး စိတ်ဓာတ်ကို ဂုဏ်ပြုတဲ့ အနေနဲ့ ပြာလွင်နေခဲ့တယ်…။ ဆောင်းရနံ့ မကုန်သေးတဲ့ ဒီမြက်ခင်းပြင်ကို ဖြတ်ကျော်လာတဲ့ အေးစိမ့်စိမ့် လေပြေတွေဟာ ငါတို့ရဲ့ ယုံကြည်ချက် အိပ်မက်တွေကို လန်းဆန်းစေခဲ့တယ်…။ သာယာတဲ့ ကြေးငှက်တွေရဲ့ တွန်ကျူးသံတွေဟာ ငါတို့ရဲ့ စစ်မှန်တဲ့ ရဲရဲတောက်ခံယူချက်တွေကို အပြည့်အ၀ ဖော်ကျူးနေခဲ့တယ်…။

အဲဒီ့မိန့်ခွန်းတစ်ခုရဲ့ အဆုံးမှာ နှစ်ပေါင်းများစွာ ငုံခဲ့ရတဲ့ ငါတို့ရဲ့ဦးခေါင်းတွေကို ရဲရဲရင့်ရင့် မော့ကြမယ်…။ ငါတို့နိုင်ငံရဲ့ အနာဂတ်ဟာ ငါတို့လက်ထဲမှာ ရှိတယ်…။ ငါတို့နိုင်ငံကို ငါတို့ပိုင်ရမယ်…။ ငါတို့ပြည်သူကို ငါတို့ကာကွယ်မယ်…။ ဒါဟာ ငါတို့ရဲ့ သစ္စာတရား ဖြစ်တယ်…။ ငါတို့ရဲ့ရှေ့မှာ ငါတို့ရဲ့တုနှိုင်းမဲ့တဲ့ ခေါင်းဆောင်ရှိတယ်…။ ငါတို့ရဲ့ဘေးမှာ သေအတူရှင်မကွာ လက်ချင်းယှက်ထားတဲ့ ငါတို့သူငယ်ချင်းတွေ ရှိတယ်…။ ငါတို့ရဲ့နောက်မှာ အောင်ပွဲတွေနဲ့ ပြန်လာမယ့် ငါတို့ကို စောင့်ကြိုနေတဲ့ ငါတို့ရဲ့မိသားစုတွေ ရှိတယ်…။ ငါတို့ရဲ့ နှလုံးသားမီးတောင်မှာ မျိုးချစ်စိတ်ချော်ရည်တွေ အရှိန်ပြင်းထန်စွာ ဖောက်ထွက်ကုန်ပြီ…။ ငါတို့ အချိန်ရောက်ပြီ….။ ငါတို့လက်မောင်းသွေးတွေနဲ့ အနာဂတ်ကို ထွန်းလင်းစေမယ့် လမ်းပြအလင်းတန်းတွေ ထွန်းညှိလိုက်ကြစို့….။

အရှေ့မှာငါမြင်နေရတဲ့ ကြောက်မက်ဖွယ်ရာ အနိဌာရုံတွေ။ တ၀ုန်းဝုန်း ပေါက်ကွဲနေတဲ့ တိုက်ပွဲ ခေါ်သံတွေဟာ ငါတို့ရရှိလာမယ့် လွတ်လပ်ခြင်း ဆုလာဒ်အတွက် ကောင်းချီးပေးနေတဲ့ ဗျက်ဆောင်းသံတွေပဲ….။ သာယာလိုက်ဘိခြင်း…။ ငါကြားနေရပြီ…။ ငါတို့နိုင်ငံရဲ့ ကိုယ်ပိုင်နိုင်ငံတော် သီချင်းသံ…။ ငါကြားနေရပြီ…။ ငါ့သာသနာရဲ့ မေတ္တာတရားပွားများသံတွေနဲ့ သာယာတဲ့ ဆည်းလည်းသံတွေ…။ တစ်ယောက်ပြီး တစ်ယောက် ငါ့ဘေး မှာသူတို့ရဲ့ ခန္ဓာကိုယ်တွေကို တိုင်းပြည်နဲ့လူမျိုးအတွက် တံတားခင်းသွားကြပြီ…။ သူ့အလှည့်….။ ပြီးရင် ငါ့အလှည့်…..။ ပြီးရင် မင်းအလှည့်…။ တွန့်ဆုတ်နေစရာမလိုဘူး…။ ငါတို့ပန်းတိုင်ကို မြင်နေရပြီ….။ ကြောက်စိတ်ဆိုတာ ချိုနဲ့လား….။ တွေဝေနေခဲ့ရင် ငါ့ဝိဥာဉ်ကို ငါကိုယ်တိုင် ကားစင်တင်ပစ်မယ်…။

ငါတို့ဖခင်က မြင်းညိုကြီးကိုစီး တိုက်ပွဲဝင်ဓားကိုဆွဲ ရဲရဲတောက်မိန့်ခွန်းကိုခြွေပြီး ရှေ့ဆုံးက တက်တယ်…။ ငါတို့ညီအစ်ကိုတွေက ငါတို့ဖခင်ရဲ့ ဦးဆောင်မှု အောက်မှာ တသွေးတသံတမိန့်နဲ့ တက်ညီလက်ညီ မိစ္ဆာတွေကို တွန်းလှန်ကြမယ်…။ နင်းသွားကြ…။ ငါတို့ရဲ့ ၀ိဥာဉ်တွေကို….။ တိုင်းပြည်အတွက် တံတားခင်း ထားတယ်…။ တစ်ဗိုလ်ကျရင် ဗိုလ်တစ်ရာတက်မယ်…။ ငါတို့ရဲ့ ခန္ဓာတွေ ကျဆုံးချင်ကျဆုံးသွားလိမ့်မယ်… ဒါပေမယ့် ငါတို့ရဲ့ ၀ိဥာဉ်တွေကတော့ ဆက်လက် တိုက်ပွဲဝင်နေမှာပဲ…။ မိစ္ဆာကောင်တွေ မှတ်ထား “လူကိုသာ မင်းတို့သတ်လို့ရမယ် ငါတို့ဝိဥာဉ်ကို မင်းတို့သတ်လို့မရဘူး”…။ ငါတို့မသေသရွေ့ ငါ့မြေပေါ်မှာ မိစ္ဆာတွေ အသက်ရှူခွင့် မရှိစေရ…။

တလူလူလွင့်နေတဲ့ တပ်ဦးက အလံတော်ဟာ ငါတို့ရဲ့ မိခင်ဖြစ်တယ်…။ ငါတို့မိခင်ရဲ့ဝိဥာဉ်ကို ငါတို့မကြာခင် အမြင့်မြတ်ဆုံး နေရာတစ်ခုမှာလွင့်ထူရင်း ကမ္ဘာတည်သရွေ့ဦးခိုက်မယ်…။ ငါတို့မိခင်ရဲ့ လုံခြုံတဲ့ရင်ခွင်မှာ ငါတို့ဘ၀တွေကို တစ်သက်စာခိုနားမယ်…။ ငါတို့ရဲ့ ချွေးတွေကို နှစ်သိမ့်ဖို့ ငါတို့မိခင်ရဲ့လက်တွေရှိတယ်…။ ငါတို့ရဲ့သွေးစက်တွေကို ဆေးကြောဖို့ ငါတို့ပြည်သူတွေရဲ့ မေတ္တာရေစင်တွေရှိတယ်…။ သွေးစွန်းတိုင်း ငါတို့လက်တွေ မညစ်ပတ်ပါဘူး…။ မိစ္ဆာတွေရဲ့ သွေးတွေကို ငါတို့ရဲ့ အောင်ပွဲက အပြန်ခြေဆေးဖို့ ယူခဲ့ပါ…။ ငါတို့ဖခင်က ပြောတယ် “ရဲသော်မသေ၊ သေသော်ငရဲမလား” တဲ့…။ ရပါတယ် ဖခင်…။ သေချင်သေပါစေ…။ တိုင်းပြည်အတွက်ဆို ဆယ်ခါပြန် ငရဲသွားလိုက်ပါ့မယ်….။

“ငြိမ်းချမ်းရေးကိုလိုချင်ရင် စစ်ကိုပြင်ဆင်ထားပါ”…။ ငါတို့ဟာ ငါတို့တိုင်းပြည် ငြိမ်းချမ်းဖို့ လွတ်လပ် ဖို့အတွက် တိုက်ပွဲဝင်ခဲ့ကြတာပါ။ ငါတို့ ငြိမ်းချမ်းရေးတိုက်ပွဲကအပြန်မှာ အထိမ်းအမှတ်အဖြစ် အဖြူရောင်ခိုတွေ ကောင်းကင်နဲ့ အပြည့် ပျံသန်းပါစေ…။ ကောင်းကင်ရဲ့ ရင်ခွင်မှာ ငြိမ်းချမ်းရေး ငှက်ငယ်တွေအတွက် လုံလောက်တဲ့ နေရာရှိပါ တယ်…။ ငါတို့ဟာ မြန်မာ့သတ္တိကို ကမ္ဘာကသိအောင် အကောင်းဆုံး ပြသခဲ့ကြတယ်…။ ငါတို့လူမျိုးရဲ့ ရဲစွမ်းသတ္တိနဲ့ စိတ်ဓာတ်ကို အမှန်တရားက ကောင်းချီး ပေးလိမ့်မယ်…။ ကမ္ဘာက ဦးညွတ်လိမ့်မယ်…။ ငါတို့နိုင်ငံရဲ့ နိုင်ငံတော်သီချင်းကို စကြာဝဌာ တစ်ခုလုံးက တစ်ပြိုင်နက် ဟစ်ကြွေး သီဆိုကြလိမ့်မယ်…။ အဲဒီ့အချိန်ကြရင်သာ ကျွန်တော်တို့ တိုင်းရင်းသားတွေ တစ်ယောက်လက်ကို တစ်ယောက်တွဲ... ရင်ကိုကော့ ခေါင်းကိုမော့ပြီး နိုင်ငံတော်သီချင်းကို အသံကုန်ဟစ်ကြွေးကြဖို့ လိုပါလိမ့်မည်….။

“ကမ္ဘာမကြေ…. မြန်မာပြေ….ဒါတို့ပြေ…ဒါတို့မြေ….တို့ပိုင်တဲ့မြေ….”

p.s- တော်လှန်ရေးတိုက်ပွဲဝင် သူရဲကောင်းများ အမှတ်တရ။

ကျွန်တော်နှင့်....အပေးအယူ!

ကျွန်တော်တို့ ဘ၀မှာ လူတစ်ယောက်ကို အနည်းဆုံး တစ်ကြိမ်တော့ (တစ်ကြိမ်ထက် ပိုကောင်း လည်းပိုနိုင်ပါတယ်) နက်နက်ရှိင်းရှိင်း ချစ်ခဲ့ကြဖူးမှာပါ…။ သင်တို့လည်း ချစ်ခဲ့ကြဖူးမှာပါလိမ့်မယ်…။ ကျွန်တော် လည်း ချစ်ခဲ့ဖူးပါတယ်…။ များသောအားဖြင့် ကျွန်တော်တို့ဟာ ကိုယ့်ကိုယ်ကိုလည်း ကိုယ့်ချစ်သူအပေါ် အရမ်း တန်ဖိုးထားတတ်တဲ့၊ အရမ်း ချစ်တတ်တဲ့သူအဖြစ် သတ်မှတ်လေ့ရှိကြတယ်။ ဒီလိုပါပဲ...။ ဘ၀မှာတစ်ခါမှ မချစ်ဖူးခဲ့ရင်ပဲ လူမပီသတော့ သလိုလို…။ လူတန်းပဲ မစေ့တော့သလိုလို….။ ဘာလိုလို ညာလိုလိုလဲ ဖြစ်တတ် ကြပါတယ်…။ ဒါတွေဟာ ဘာကြောင့်လဲ…? ဘာအတွက်လဲ…? အဖြေက ရှင်းပါတယ်..။ ကျွန်တော်တို့တွေဟာ ကိုယ့်ကိုယ်ကို အလွန်ပဲ လူပီသကြောင်း သက်သေအပြချင်ဆုံး၊ အတ္တအကြီးဆုံးနဲ့ မိမိကိုယ်ကို လိမ်လည်တတ် တဲ့ တစ်ခုတည်းသော သက်ရှိတစ်မျိုး ဖြစ်နေကြလို့ပါပဲ…။

အတ္တဆိုတာ တကယ်တော့ (အဓိက ကတော့ မောဟပါ။ ဒါပေမယ့် အတ္တဟာ လောဘ၊ ဒေါသ၊ မောဟ သုံးခုစလုံးမှာ အကြုံးဝင်နေပါတယ်) မိမိကိုယ်ကို မိမိလှည့်စားတဲ့ ၀ါဒတစ်မျိုးပါဘဲ…။ တစ်စုံ တစ်ယောက်ကို ကျွန်တော်တို့ တစ်စုံတစ်ခု ပေးလိုက်ကြပြီဆိုပါစို့…။ ကျွန်တော်တို့ ကိုယ်တိုင်နဲ့ တစ်ခြားသူတွေရဲ့ အမြင်မှာတော့ ကျွန်တော်တို့ဟာ အပေးသမား…။ ဒါမှမဟုတ် စွန့်လွှတ်တဲ့သူ၊ အနစ်နာခံတဲ့သူ၊ စေတနာထား တတ်တဲ့သူ၊ မေတ္တာ ထားတတ်တဲ့သူ…စသည်ဖြင့် နာမည်ကောင်း များစွာဖြင့် ဂုဏ်ထူးမှတ်တွေ တသီကြီး ရလေ့ရှိပါတယ်…။ ဒါကလည်း သဘာဝကျပါတယ်…။ အားလုံးကလည်း ဒီအတိုင်းပဲ အချိန်ကာလတစ်ခု တော်တော်ကို ဟောင်းနွမ်းနေတဲ့အထိ (လက်ရှိအချိန်အထိ) လက်ခံထားကြတဲ့ ဓလေ့ (သို့မဟုတ်) အကျင့် တစ်ခု ဖြစ်နေလို့ပါ…။ ဒ့ါအပြင်…။ နောက်ဆုံးနဲ့ အရေးအကြီးဆုံး ကျွန်တော်တို့ မေ့ထားတဲ့ အကြောင်းအရာ တစ်ခုကတော့ “အဇ္ဇတ္တ” ဆိုတဲ့ အတွင်းစိတ် (မသိစိတ်) ပါပဲ….။

ကျွန်တော်ကတော့ အထက်ပါလူမျိုးကို သင်တို့ မြင်သလို မမြင်ပါဘူး..။ သင်တို့ပေးသလို နာမည်ကောင်း တွေနဲ့ ဂုဏ်ထူးတွေလည်း မပေးနိုင်ပါဘူး…။ ကျွန်တော့်အမြင်အရ ထိုလိုလူမျိုးသည် မိမိ လိုချင်သော အရာကို သာမက လူတစ်ဖက်သား၏ ဂရုဏာနာနှင့် ခံစားချက်ကိုပါ သွယ်ဝိုက်သော နည်းဖြင့်ရအောင် ယူတတ်သော သူ (အလွန် ဥာဏ်များသောသူ) အဖြစ်ပဲ မြင်ပါတယ်။ ကျွန်တော် တစ်ဖက်သတ် စွတ်စွဲနေတာ မဟုတ်ပါဘူး…။ ကျွန်တော်ပြောတာကို သင်မြင်နိုင်ဖို့ (သို့မဟုတ်) လက်ခံနိုင်ဖို့ သင့်ကြည့်ရှု၊ ခံစားနေတဲ့ ရှုထောင့်တစ်ခုကို အနည်းငယ် ပြောင်းလိုက်ဖို့ပဲ လိုအပ် ပါတယ်….။ ကျွန်တော်တို့ တစ်ခုလောက် ခဏဖြစ်ဖြစ် ဖောက်ထွက်ပြီး စဉ်းစားကြည့် ကြရအောင်…။ “သင်” ဆို တာကို ဖယ်ထားလိုက်ပါ…။ “ကျွန်တော်” ဆိုတာကို ဖယ်ထားလိုက်ပါ။ “ငါ” ဆိုတာကိုဖယ်ထား လိုက်ပါ…။ ကျေးဇူးပြု၍ တဆိတ်လောက် နာမ်စားတွေမရှိတဲ့ လောကတစ်ခုထဲမှာ စကားပြောကြရ အောင်လားဗျာ…။


ကျွန်တော် ဥပမာ တစ်ခုပေးပါမယ်…။ ဆိုကြပါစို့ ကျွန်တော်က မိန်းကလေး တစ်ယောက်ကို အရမ်းချစ်လို့၊ တန်ဖိုးထားလို့ သူမပျော်ရွှင်စေဖို့…၊ သူမရဲ့ အနာဂတ် သာယာစေဖို့…၊ သူမဘ၀ လုံခြုံစေဖို့ စတဲ့ အကြောင်း ပြချက်ပေါင်းများစွာနဲ့ အမျိုးမျိုး အနစ်နာခံ ပေးဆပ်တယ်ပဲ ထားလိုက် ပါတော့။ သူမ ကျွန်တော့်အပေါ် ဘယ်လိုပဲ တုန့်ပြန်တုန့်ပြန်၊ ဘယ်လောက်ပဲ စော်ကား စော်ကား အရမ်းကို ခွင့်လွှတ်ပြီး သူမအပေါ်ပေးဆပ် တယ်ပေါ့…။ သူမအပါအ၀င် အားလုံးရဲ့ အမြင်မှာတော့ ကျွန်တော့်ကို အချစ်သူရဲကောင်းတစ်ယောက် အဖြစ် မြင်ကောင်း မြင်ကြမှာပါလိမ့်မယ်…။ (စိတ်ဓာတ် တည်ငြိမ် ရင့်ကြတ်တဲ့သူတွေကတော့ ကျွန်တော့်အဖြစ်ကို ကြည့်ပြီး “တော်တော်အသိဥာဏ်မဲ့တဲ့ သတ္တ၀ါလေးပဲ”လို့ ထင်ကောင်းထင်နိုင်ပါတယ်…ဒီ့ထက်ပိုပြီးလည်း “ေ_ာက်ရူး”လို့လဲ အားပေးကောင်း အာပေးကြပါလိမ့်မယ်)။ ထားလိုက်ပါ…။ ကျွန်တော်တို့ စကားဆက်ကြဆို့။

တကယ်တမ်း သေသေချာချာ ပြန်ကြည့်ရင် တတယ်ရနေတာက ကျွန်တော်ပါ…။(သူမလဲရပါတယ်..။ ကျွန်တော် အဓိကဆိုလိုခြင်တာက သူမတစ်ယောက်တည်း ရနေတာမဟုတ်ကြောင်းကိုပါ) ကျွန်တော် ဘာတွေ ရလဲ…? ရှင်းပါတယ်။ သူမကို ကျွန်တော် ပေးဆပ်နေတာတွေအား ယူစေခြင်တဲ့ ကျွန်တော့်ရဲ့ ဆန္ဒ(အတ္တ) တစ်ခုဟာ သူမက ကျွန်တော်ပေးတာကို လက်ခံလိုက်တဲ့အခါမှာ ကျွန်တော် လိုခြင်တာကို ကျွန်တော် ရရှိသွားခြင်းပဲ ဖြစ်ပါတယ်။ ဘာကြောင့်လဲ ဆိုတော့ ကျွန်တော် လိုခြင်တာက ကျွန်တော်ပေးတာကို သူမက ယူလိုက်တယ် ဆိုတဲ့အရာ ဖြစ်နေလို့ပါပဲ…။ ကျွန်တော် အောင်မှတ် ရလိုက်ပါပြီ…။ အဲဒီ့အချိန်မှာပဲ ကျွန်တော်ဟာ အောင်မှတ်အပြင် နောက်ထပ် ဂုဏ်ထူးမှတ်တွေ ထပ်ရပါတော့တယ်…။ အဲဒါတွေကတော့ “ဟာ..သူက သူ့ချစ်သူကို တော်တော်ချစ်တာပဲ..ကောင်မလေးက ဘယ်လိုတုန့်ပြန်တုန့်ပြန် တော်တော်အနစ် နာခံတာပဲ၊ တကယ့် အပေးသမားပဲ..၊ တကယ်ကို မေတ္တာစစ်နဲ့ ချစ်တာပဲ” စသည်ဖြင့် မဆုံးနိုင်တော့သော ဂုဏ်ထူးတွေ တသီကြီး ထပ်ရပါတော့တယ်။

အခုလောက်ဆို ကျွန်တော်ဘာကို ဆိုလိုချင်တယ် ဆိုတာကို စာဖတ်သူများ သဘောပေါက်နှင့်ပြီ ထင်ပါတယ်။ ကျွန်တော် အပေါ်မှာ ပြောခဲ့တဲ့ အရာတွေဟာ အစွန်းရောက်ကောင်းရောက် နေပါလိမ့်မယ်…။ ဒါမှမဟုတ် တစ်ဖက်သတ် ဖြစ်ကောင်း ဖြစ်နေပါလိမ့်မယ်…။ ဒါပေမယ့် ဒါတွေဟာ တကယ်ဖြစ်နေတဲ့ အရာတွေပါ…။ နေ့စဉ်နဲ့ အမျှကြုံတွေ့ ကြားသိနေရတဲ့ အရာတွေပါ…။ လူပေါ်မူတည်ပြီးတော့သာ ကွဲပြားမှုရှိနိုင်တာပါ။ တစ်ချို့က တစ်ကယ်ပဲ သတိမထားမိလို့၊ မသိလို့ပါ…။ တစ်ချို့ကတော့ သိရုံတင်မကဘူး ကျွမ်းကျင်အဆင့် ရောက်နေလို့ တမင်လုပ်ကြတာပါ…။ ကျွန်တော်တို့ မိမိကိုယ်ကို သေသေချာချာ ပြန်လည် စမ်းစစ်ကြည့်ဖို့ လိုအပ်လာပါပြီ်…။ တကယ်ပဲ ကျွန်တော်တို့ရဲ့ လုပ်ရပ်တွေဟာ သန့်စင်ခဲ့ကြရဲ့လား...? လို့ပေါ့…။ အဲ…တစ်ခုတော့ ရှိတယ်နော် (“တစ်ယောက် တစ်ဝက်ပေ့ါ”လို့တော့ မနောက်ပါနဲ့)။ အဖြေမှန်ကို သိပြီဆိုရင်တော့ ကျွန်တော်တို့ အမှန်အတိုင်း ရဲရဲဝံ့ဝံ့ ၀န်ခံရဲဖို့လိုတာပေါ့ဗျာ….။ တကယ်တော့ မိမိကိုယ်ကို လိမ်လည်ခြင်း ဆိုတာဟာ ကိုယ့်ဘ၀ကို ကိုယ်တိုင် သေဒဏ်ချလိုက်ခြင်းပါပဲ...။

p.s- မိမိကိုယ်ကို လိမ်လည်နေခြင်းများမှ အမြန်ဆုံး လွတ်မြောက်နိုင်ကြပါစေ....။

အောက်ပါ မေးခွန်းများအား ဖြေဆိုပါ။

မေးခွန်း (၁)

စကြာဝရာ အတွင်းမှ ကြယ်တစ်စင်း၏ အလင်းသည် ကမ္ဘာမြေပေါ်သို့ ရောက်ရှိဖို့ နှစ်ပေါင်း (၁)သိန်း သို့မဟုတ် နှစ်ပေါင်း (၁)သန်း ကြာမြင့်ပါသည်…။ ထိုသို့ဆိုလျှင် သင်၏ သင့်ချစ်သူအပေါ် ထားရှိသော စစ်မှန်သည့် မေတ္တာတရား တစ်ခုသည် သင့်ချစ်သူ၏ ရင်ခွင်အတွင်းသို့ ရောက်ရှိဖို့ အချိန်မည်မျှ ကြာမည်ဟု သင်ထင်ပါနည်း….။

အဖြေ။ ။

မေးခွန်း (၂)

ထိုကြယ်တစ်စင်း၏ အလင်းသည် ကမ္ဘာမြေပေါ်သို့ မည်သည့် ကြားခံဒြပ်ထုမှ မရှိဘဲ လေဟာနယ် ကို ဖြတ်၍ ကမ္ဘာမြေပေါ်သို့ ကျရောက်နိုင်ပါသည်…။ သို့သော် အဘယ်ကြောင့် မေတ္တာတရား ဟူသော အလင်းတန်း တစ်ခုသည် ခံစားတတ်မှု၊ တန်ဖိုးထားမှု၊ မြတ်နိုးမှု ဟူသော ကြားခံ (Media) ပေါင်းများစွာ ထားရှိသော်လည်း ထွန်းလင်းစေလိုသော ရင်ခွင်တစ်ခုတွင် မထွန်းလင်းနိုင် ပါသနည်း…။

အဖြေ။ ။

မေးခွန်း (၃)

ကမ္ဘာမြေ၏ ဆွဲအားသည် လူသန်းပေါင်းများစွာအား လည်းကောင်း၊ အရာဝတ္ထုပေါင်းများစွာအား လည်းကောင်း…နောက်ဆုံး ကမ္ဘာမှ လွန်စွာဝေးကွာသော အာကာသ စကြာဝရာအတွင်း တည်ရှိသော လ ကိုပင်ဆွဲငင် နိုင်စွမ်းရှိသော်လည်း…။ သင့်အား စွန့်ခွာပြီးထွက်သွားသော သင့်ချစ်သူ၏ ခြေလှမ်းများအား အဘယ့်ကြောင့် မဆွဲငင်နိုင်သနည်း….။

အဖြေ။ ။

မေးခွန်း (၄)

အလွန်ပြင်းထန်၍ အားကောင်းသောအသံများကို ရေဒါများဖြင့် ဖမ်းယူနားထောင်ရပါသည်..။ အကြောင်းမှာ ၎င်းအသံများအား သာမန်နားများဖြင့် မကြားနိုင်သောကြောင့် ဖြစ်ပါသည်..။ ထိုသို့ဆိုလျှင် သင်၏ နုလုံးသားအတွင်း၌ ဖြစ်တည်သော သာမန်နားများဖြင့် မကြားနိုင်သော ရင်ခုန်သံများအား သင့်ချစ်သူ ကြားနိုင်စေရန် သို့မဟုတ် နားလည်နိုင်စေရန် မည်သည့်အရာဖြင့် ဖမ်းယူစေသင့်သနည်း…။

အဖြေ။ ။

မေးခွန်း (၅)

သာမန် မျက်စိများဖြင့်ထိုးဖောက်ရွေ့ မမြင်နိုင်သော အရာများအား X-Ray ရောင်ခြည် များဖြင့် ထိုးဖေါက်၍ မြင်သိစေနိုင်ပါသည်…။ ထိုသို့ဆိုလျှင် သင့်ရင်ဘတ်၏ အနက်ရှိုင်းဆုံး နေရာတွင် တည်ရှိနေသော ခံစားချက်များအား သင့်ချစ်သူ မြင်တွေ့ သိရှိနိုင်စေရန် ၎င်း၏မျက်ဝန်းများ၌ မည်သည့် ရောင်ခြည်အမျိုး အစားအား တပ်ဆင် အသုံးပြုသင့်သနည်း…။

အဖြေ။ ။

မေးခွန်း (၆)

ကမ္ဘာကျော် အိုင်းစတိုင်း၏ (Relativity Theory) ဆိုသည့် နိုင်းရသီအိုရီ အတွက်အဓိကအကျဆုံးနှင့် အနှစ်ချုပ် ဖြစ်သော Formula ဖြစ်သည့် E=mc2 အား ကျွန်ုပ်သည် အောက်ပါအတိုင်း သတ်မှတ်ပါက သင်မည်သို့ ဝေဖန်သုံးသပ်၊ အကြံပေး လိုပါသနည်း…။

{Emotion=Misery*(Confusion)2 }

အဖြေ။ ။

မေးခွန်း (၇)

Newton ၏ သက်ရောက်မှုတိုင်းတွင် တန်ပြန်သက်ရောက်မှု ရှိသည်ဆိုသော ပုံသေနည်းမှန်သည် ဆိုပါက အဘယ့်ကြောင့် သင်၏ သင့်ချစ်သူအပေါ်ထားရှိသော တန်ဖိုးထားမှု၊ မေတ္တာတရား၊ နားလည်မှု၊ သစ္စာတရားနှင့် မြတ်နိုးမှုများသည်… သင်ပေးလိုက်သည့်အတိုင်း သင့်ထံသို့ ပြန်လည် မသက်ရောက်သနည်း။

အဖြေ။ ။

မေးခွန်း (၈)

လွမ်းဆွတ်ခြင်းဆိုသော နေရောင်ခြည်နှင့် တမ်းတခြင်းဆိုသော အပူရှိန်များကြောင့် ခံစားချက်ဆို သော မျက်ရည်များ အငွေ့ပြန်သည့်အခါ သတိရခြင်းတိမ်တိုက်များကို ဖြစ်ပေါ်စေပါတယ်…။ ၎င်း တိမ်တိုက်များသည် အချိန်ဆိုသော အေးခဲစေသည့် ဓာတ်သဘာဝများနှင့် ထိတွေ့သောအခါ ပြန်လည်ငွေ့ရည်ဖွဲ့ကာ မျက်ရည်မိုးများ အဖြစ် ပြန်လည်ရွာချသည် ဆိုသော နောက်ဆုံးပေါ်ပေါက်လာသည့် မျက်ရည်သံသရာ (Tears Cycle) ကိုသင်မည်သို့ ယူဆပါသနည်း…။

အဖြေ။ ။

မေးခွန်း (၉)

ကမ္ဘာပေါ်တွင် အရာဝတ္ထုများအတွက် အတိုင်းအတာ၊ ပမာဏ သတ်မှတ်ချက်များ အသီးသီးစီ ရှိကြသည်။ ထိုသို့ဆိုလျှင် သင်၏ သင့်ချစ်သူအပေါ်ထားရှိသော မျှော်လင့်ချက် တစ်စုံတစ်ခု၏ အတိုင်းအတာ သို့မဟုတ် ပမာဏ တစ်ခုအား တိုင်းတာရန် သတ်မှတ်ချက် Unit တစ်ခုလည်း လိုအပ်မည် ဖြစ်သည်။ ထိုသို့တိုင်းတာရန် အတွက် မည်သည့်အရာအား Unit အဖြစ် အသုံးပြုလျှင် သင့်တော်မည်ဟု သင်ယူဆပါသနည်း…။

အဖြေ။ ။

မေးခွန်း (၁၀)

သင်သည် ကမ္ဘာပေါ်ရှိ အလွန်ခက်ခဲသော မေးခွန်းများ၊ ပုံသေနည်းများနှင့် သီအိုရီများကို ကျွမ်းကျင် ကြေညက်စွာ နားလည်နိုင်စွမ်းရှိသော်လည်း အဘယ့်ကြောင့် သင့်အားစွန့်ခွာသွားသော သင့်ချစ်သူ ပြောခဲ့သည့် “နားလည်ပေးပါ” ဆိုသော အလွန်ရိုးရှင်းသည့် စကားတစ်ခွန်းအား နားလည်နိုင်စွမ်း မရှိပါသနည်း။

အဖြေ။ ။

p.s - မေးခွန်းများရဲ့ အဖြေများအတွက် လွတ်လပ်စွာ သဘောထားကွဲလွဲ နိုင်ပါသည်။

ကျွန်တော်...သူမ နှင့် တံခါးတစ်ချပ်

နိဒါန်း

ကျွန်တော်ထိုင်နေပါတယ်…။ ဒါပေမယ့် ကျွန်တော့် ၀ိဥာဉ်တွေ လွင့်မြောနေတယ်…..။

အခန်း (၁)

ရုတ်တရက် ကြားလိုက်ရတဲ့ တံခါးခေါက်သံနှင့်အတူ ကျွန်တော့် ဘ၀ထဲကို အဲဒီ့နေ့ကစပြီး သူမ၀င် ရောက်လာ ခဲ့ပါတယ်…။ ကျွန်တော် အသာအယာပဲ ကြည်ဖြူစွာ တံခါးကို ဖွင့်ပေးခဲ့ပါတယ်…။ ကျွန်တော်ကိုယ်တိုင် မည် သည့် မေးခွန်း တစ်ခွန်းမှ မမေးခဲ့သလို…။ သူမကလည်း မည်သည့် ခွင့်ပြုချက်မှ ကျွန်တော့်ထံ တောင်းဆိုခဲ့ ခြင်းမရှိခဲ့ပါ…။ အနည်းဆုံးတော့ ကျွန်တော့်ဘက်က “ဘာကိစ္စရှိလို့ပါလဲ ခင်ဗျာ” လို့မေးသင့်သလို…။ သူမ ဘက်ကလည်း အနည်းဆုံး “၀င်ခွင့်ပြုပါနော်” ဆိုတဲ့ စကားတစ်ခွန်းလောက်တော့ ပြောခဲ့ကြ သင့်တာပေါ့…။

ဘယ်နေရာမှာနေမှာလဲ..? ခဏတာ တည်းခိုမှာလား…? အမြဲတမ်း နေထိုင်မှာလား…? ဘယ်တော့ ပြန်လည် ထွက်ခွာသွားမှာလဲ…? ထားလိုက်ပါ…။မေးခွန်းတွေဟာ အမြဲတမ်းမလိုအပ်ပါဘူး…။ ခဏတာပဲ နေထိုင်နေထိုင်။ တစ်သက်စာပဲ ခိုနားခိုနား…။ ကျွန်တော်ကတော့ အဲဒီ့တံခါး တစ်ချက်ကို သူမအတွက် ဖွင့်ပေးခဲ့ပြီးပါပြီ…။ နောက်တစ်ခုက….။ သူမ ကျွန်တော့်ဘ၀ထဲကို စတင် ၀င်လာတဲ့ နေ့ကတည်းကစပြီး အဲဒီ့တံခါးကို ကျွန်တော် အခုချိန်ထိ ပြန်မပိတ်ခဲ့ပါဘူး…။ သူမအလို ရှိသောအချိန်တွင် အလိုရှိသော နေရာသို့ ပြန်လည်ထွက်ခွာ သွားနိုင်အောင်ပေါ့….။ မလိုပါဘူး…။ ကျွန်တော့်ကို ခွင့်တောင်း စရာလည်း မလိုပါဘူး…။ နှုတ်ဆက်စရာလည်း မလိုပါဘူး….။ ကျွန်တော် နားလည် နိုင်ပါတယ်….။ ဘ၀ဆိုတာ ဆုံတွေ့ပြီးရင် ခွဲခွာရမှာပဲလေ....။

အခန်း (၂)

ကျွန်တော် သူမပေးသော “အချစ်” ဟုခေါ်သည့် သစ်သီးတစ်လုံးကို ခွဲကြည့်လိုက်တယ်…။ အထဲမှာ မသေချာမှု တွေ…။ အတိတ်ရဲ့ နာကြည်းမှုတွေ…။ အပေါစား ကတိစကားတွေ….။ သမန်ကာရှန်ကာ သစ္စာတရားတွေ….။ စွန့်ပစ်ခံထားရတဲ့ နားလည်မှုတွေ…။ ပုပ်သိုးနေတဲ့ သံသယတွေ….။ လွဲမှားနေတဲ့ အတ္တတရားတွေနဲ့…။ သူမရဲ့ အတိတ်က ညှီစော်နံနေတဲ့ ချစ်တင်းနှောခန်း တွေပဲပါတယ်…။ ကျွန်တော် တော်တော်လေးကို ရွံရှာ သွားမိပါတယ်…။ ဒီသစ်သီးတစ်လုံး အတွက် ပေးဆပ်လိုက်ရတဲ့ တန်ဖိုးတစ်ခု…။ ခံစားချက် တစ်စုံတစ်ရာ….။ အိပ်မက် အစိတ်အပိုင်း တစ်ချို့…။ ကဗျာ အပိုင်းအစ အနည်းအငယ်…။ ဘ၀တစ်ခုစာ ယုံကြည်ချက်တွေနဲ့...။ မျက်စိ တစ်မှိတ်စာ အနမ်းတွေဟာ ထိုသစ်သီးနဲ့အတူ အားလုံး “နောင်တ” ဆိုတဲ့ အမှိုက် ခြင်းတစ်ခုထဲကို ရောက်ရှိ သွားပါတယ်…။

ကျွန်တော် စိတ်ကူးယဉ်ခဲ့ဖူးတဲ့ အချစ်သစ်သီး တစ်လုံးထဲမှာ….။ ပန်းနုရောင် ပါးပြင်တစ်ခု ပါတယ်…။ သာယာငြိမ့်ညောင်းတဲ့ သံစဉ်တွေပါတယ်…။ မကုန်ခမ်းနိုင်တဲ့ အိပ်မက်တွေပါတယ်…။ ညနေဆည်း ဆာရဲ့ အလှတွေပါတယ်…။ ထာဝစဉ် စီဆင်းနေတဲ့ အပြန်အလှန် ယုံကြည်မှုတွေပါတယ်…။ တစ်သက် စားမကုန်တဲ့ မေတ္တာတရားနဲ့ မြတ်နိုးခြင်းတွေ ပါတယ်….။ ထိုသစ်သီး ဖြစ်ထွန်းရာ သစ်ပင်ဟာလည်း…. တည်ငြိမ်ခြင်း အကိုင်းအခက်တွေနဲ့ စည်ပင်တယ်…။ ငြိမ်းချမ်းခြင်း သစ်ရွက်တွေနဲ့ ခိုနားသူအား အရိပ်ပေးတယ်….။ လောကဓံ လေပြင်းတွေကနေ ကာကွယ်ပေးတယ်…။ သောက ဆိုတဲ့ လောင်မြိုက်ခြင်းတွေကနေ တားဆီး ပေးတယ်…။ ပြီးတော့…။ မျှော်လင့်ခြင်း ဆိုတဲ့ ပန်းပွင့်တွေ ကိုလည်း ပွင့်ဖူးစေတယ်….။

အခန်း (၃)

တစ်လှမ်းခြင်း ထွက်ခွာသွားမည်ဟု ယုံကြည်ထားခဲ့ဖူးသော ခြေလှမ်းများသည် တကယ်တမ်းထွက်ခွာ သွားသောအခါတွင် မယုံကြည်နိုင်လောက်အောင် သွက်လက်လွန်းလှပါပေသည်…။ တကယ်တမ်းဆို ကျွန် တော် အိပ်မက်က မနိုးခင် သူမထွက်ခွာ သွားသင့်ပါတယ်…။ နှုတ်ဆက်ခြင်း လက်ပြခြင်းတို့ကို မပြုလုပ်မဲ့ အတူတူ ကျွန်တော့်ကို ဆက်လက် အိပ်စက်နေစေသင့်ပါတယ်…။ ကျေးဇူးပြုရွေ့ “ကျေးဇူးတင် ပါတယ်” ဆိုတဲ့ စကားကို မပြောပါနဲ့ မိန်းကလေးရယ်…။ ထွက်ခွာသွားနေတဲ့ မင်းရဲ့ကျောပြင်ကို ကြည့်နေရတာဟာ ငါ့အတွက်တော့ ကြေကွဲစရာ အကောင်းဆုံး နေ၀င်ချိန်တစ်ခုကို မြင်တွေ့နေ ရသလိုပါပဲ….။ တစ်ဘ၀စာ အမြဲသတိရနေမှာပါ…။ မင်းရဲ့ ကျောခိုင်းသွားတဲ့ ခြေလှမ်းတစ်လှမ်းတိုင်းမှာ ငါဟာမင်းနဲ့ ကမ္ဘာတစ်ခုစီ ခြားခဲ့ပါပြီ…။ အဆုံးမရှိတဲ့ စကြာဝရာထဲမှာ တစ်နေ့နေ့တော့ မင်းနဲ့ ပြန်ဆုံတွေ့မှာပဲလို့ မျှော်လင့် နေခဲ့ မိတဲ့ငါ့ကို ကျေးဇူးပြု၍ “အရူး” ဟုခေါ်ပါ…။ အဲဒီ့စကားလုံးဟာ မင်းပေးခဲ့တဲ့ သစ်သီးတစ်လုံး ထက်ပိုပြီး ငါ့ကို ချိုမြိန်စေပါတယ်…။

ဒီတံခါးကနေ ထွက်ခွာသွားပြီးတဲ့နောက် အခြားတစ်ဖက်မှာ မင်းဘ၀ကို အသစ်စတင်ပါ…။ ပတ်ဝန်းကျင် တစ်ခုလုံးမှာ တိတ်ဆိတ်မှုတွေဟာ ပြင်းထန်စွာပေါက်ကွဲနေပါတယ်…။ ငါ့ရင်ခွင်တစ်စုံကလွဲပြီး အရာရာ ငြိမ်သက်နေတဲ့ ပတ်ဝန်းကျင်ဟာ မင်းရဲ့ဒီတံခါးပေါက်က ထွက်ခွာသွားမယ့် တစ်ခန်းရပ် ပြဇာတ်တစ်ခုအတွက် ကောင်းချီးသြဘာ ပေးနေကြတာလား…? ဒါမှမဟုတ် ဘာမှမသေချာတဲ့ ဒီလောကကြီးထဲမှာ တစ်ခုခုကို သေချာဖို့ ကြိုးစားခဲ့တဲ့ င့ါကိုဘဲ လှောင်ပြောင် နေကြတာလား…? မင်းချန်ထားခဲ့လို့ ငါနေခဲ့တာမဟုတ်ပါဘူး မိန်းကလေး…။ မင်းထွက်သွားဖို့ ငါနေခဲ့ပေးတာပါ…။ မင်းရဲ့ ဒီအခန်းကို စွန့်ခွာမယ့် နောက်ဆုံး ခြေတစ် လှမ်းကို ရဲဝံ့စွာလှမ်းလိုက်ပါ မိန်းကလေး…။ ဒါဟာမင်းအတွက် ငါ့ရဲ့ လက်ဆောင်ပါဘဲ…။ တစ်ချိန်ချိန်မှာ မင်းမျှော်လင့်ခဲ့တာတွေ ဖြစ်မလာခဲ့ရင်…။ ဒါမှမဟုတ် ခိုနားစရာ နေရာတစ်ခု အရေးတစ်ကြီး လိုအပ်ခဲ့ မယ်ဆိုရင်တော့….။ ဒီတံခါးရဲ့ သော့ဟာ မင်းဆီမှာ ရှိပါတယ်…။ ဒါဆိုရင် ဒီတစ်ခေါက် မင်းလာတဲ့အခါ တံခါးခေါက်စရာ မလိုတော့ ဘူးပေါ့ကွာ…။

ဇာတ်သိမ်း

ကျွန်တော်ထိုင်နေဆဲပါ….။ ဒီလိုပါပဲ ကျွန်တော့် ၀ိဥာဉ်တွေလည်း လွင့်မြောနေဆဲပါ…..။

p.s- အဖြစ်အပျက်တွေအားလုံးဟာ မနေ့ကဖြစ်ခဲ့တာဆိုရင်တောင်မှ ငါ့အတွက်တော့ နောက်ကျလွန်းပါတယ်။

ကျွန်တော်နှင့် ထူးဆန်းသော ကစားပွဲ...!

“Check….!” ဟု သူမက ပြုံးရင်းပြောပါတယ်...။

ပွဲက ပြီးသွားပြန်ပါသည်…။ နောက်ဆုံးတော့လည်း ကျွန်တော်ပဲ ထပ်မံရှုံးနိမ့်ခဲ့ပါတယ်….။

ကျွန်တော် အကြိမ်ကြိမ် ကြိုးစားခဲ့ဖူးပါတယ်…။ သူမကို အနိုင်ရရန် မရှုံးနိမ့်စေရန် နည်းအမျိုးမျိုးသုံးခဲ့ဖူးပါတယ်။ ကစားကွက်ကို အသာစီးရရန်လည်း အခါခါ ကြံစည်ခဲ့ဖူးပါတယ်…။ ဒါပေမယ့် ဘယ်လိုပဲ လုပ်လုပ်…။ ဘယ်လောက်ပဲ ဥာဏ်နီ၊ ဥာဏ်နက်၊ ဥာဏ် Color စုံအောင်သုံးသုံး သူမနဲ့ ရင်ဆိုင်ခဲ့သည့် ပွဲတိုင်းတွင် ကျွန်တော်သာ နောက်ဆုံး ရှုံးနိမ့်သူ ဖြစ်ခဲ့ရပါတယ်…။

ဒီလိုဆိုရင် သူမသည် စစ်တုရင် ကစားရာတွင် နည်းဗျူဟာတွေ အလွန်ကောင်းမွန်သူဟု သင်ထင်ခြင် ထင်ပါလိမ့်မယ်…။ မဟုတ်ပါ...။ သူမရဲ့ နည်းစနစ်တွေ ဗျူဟာတွေဟာ တကယ်ကို ပျင်းရိငြီးငွေ့ဖွယ် ကောင်း လောက်အောင်ပဲ ညံ့ဖျင်းပါတယ်။ ဒါဆို ကျွန်တော် အသုံးမကျတာလား?? ဒီအဖြေကို တော့ကျွန်တော် မဖြေ လိုပါဘူး။ ကျွန်တော်သည် အသုံးမကျသော စစ်တုရင် ကစားသမား တစ်ယောက် ဖြစ်ခဲ့လျှင်တောင်…. သူမ၏ ခပ်ညံ့ညံ့ နည်းဗျူဟာနဲ့ ကစားကွက်လောက်ကိုတော့ ၅ မိနစ်အတွင်း အနိုင်ယူ ထိုးစစ်ဆင် နိုင်ပါတယ်…။

ကျွန်ုပ်သည် သင့်အားဒီ့ထက်ပိုပြီး စကားတစ်ခွန်းထပ် ပြောလျင် သင်မအံ့သြပါနဲ့…။ ကျွန်တော်သည် သူမနဲ့ စစ်တုရင် ကစားခဲ့သည် အကြိမ်တိုင်း နောက်ဆုံးတွင် ကျွန်တော်သာ ထပ်မံရှုံးနိမ့်ဦးမည် ဖြစ်ကြောင်းကို သိရှိပြီးဖြစ်ပါတယ်။ ဒါပေမယ့် ကျွန်တော် သူမနှင့် ယှဉ်ပြိုင်ကစားသည့် အကြိမ်တိုင်းတွင် မည်သည့်အခါမှ ပြီး,ပြီးရောမကစားခဲ့ပဲ အမြဲတမ်း အကောင်းဆုံး ဖြစ်အောင်ကြိုးစား ကစားခဲ့ ပါတယ်…။ ကျွန်တော်သည် သူမ၏တစ်ဦးတည်းသော အကောင်းဆုံးနှင့် ထာဝရ အရှုံးသမားလည်း ဖြစ်ပါတယ်…။

ဒီလိုအမြဲ ရှုံးနိမ့်နေရတာကိုပဲ ကျွန်တော်သည် မိမိကိုယ်ကို သူမ၏ အနှိုင်းမဲ့ သူရဲကောင်းတစ်ယောက် အဖြစ် အမြဲဂုဏ်ယူ ပျော်ရွှင် နေတတ်တဲ့ သူတစ်ယောက်လည်း ဖြစ်ပါတယ်…။ ဘာကြောင့်လဲ…???? သူမ၏ အနိုင်ရ သွားသောအခါ (ဘယ်လိုပဲနိုင်နိုင်) ပြုံးပျော်တတ်တဲ့ မျက်နှာလေးကို ကျွန်တော်အရမ်း မြတ်နိုးမိပါတယ်…။ သူမ ပြုံးသောအခါ ကမ္ဘာပေါ်ရှိ အလှပဆုံးသော ပန်းပွင့်များသည် တစ်ပြိုင်နက် ဖူးပွင့်ကြပါတယ်…။ အလှပဆုံးသော ကောင်းကင်ရှိ ကြယ်စဉ်များသည် မြေပြင်သို့ ဆင်းသက် ၀ပ်တွား ရပါတယ်…။ အတောက်ပဆုံးဆိုသော နေမင်း၏ အလင်းရောင်သည်လည်း သူမ၏မျက်ဝန်းများ အတွင်း၌ ခပ်မှိန်မှိန်သာ ထွန်းလင်းခွင့်ရပါတယ်….။ အဲဒီလောက် လှပါတယ်လို့ ပြောရင် ကျွန်တော် အပိုပြောတယ်လို့ မထင်စေလိုပါ….။

အထက်ပါ အကြောင်းအရာများကို ဖတ်ရှုပြီးသော အခါတွင် သင်သည် ကျွန်ုပ်အား အနည်းဆုံး မေးခွန်းတစ်ခု မေးခြင် နေပါလိမ့်မယ်....။ ဒါမှမဟုတ် ကျွန်တော်သည် သူမ၏အပြုံးအား အလွန်အမင်း နှစ်သက်သောကြောင့် ရည်ရွယ်ချက်ရှိရှိဖြင့် အရှုံးပေးသည်ဟုလည်း စွပ်စွဲကောင်း စွပ်စွဲပါလိမ့်မယ်....။ မမေးပါနဲ့ မိတ်ဆွေ…။ သင်တို့မေးလိုသော မေးခွန်းများသည် ကျွန်တော် သူမအားရှုံးနိမ့်ရခြင်း၏ အဓိက အကြောင်းအရင်းနဲ့ လွဲချော်နေသည့် အလွန်မဆီလျော်သော မေးခွန်းများပဲ ဖြစ်ပါလိမ့်မယ်…။ ကျွန်တော့်အား ရည်ရွယ်ချက်ရှိရှိဖြင့် အရှုံးပေးသည်ဟု ဝေဖန်သောသူများလည်း မှန်မည်မဟုတ်ပါ…။ ဘာကြောင့်လဲဆိုတော့ ကျွန်တော်တို့ နှစ်ယောက်ကြားမှာ..... နှစ်ဦးတည်းသာ သိရှိပြီး နားလည်မှု ယူထားသော အရာတစ် ခုရှိပါတယ်…။

အဲဒီ့အရာတစ်ခုကတော့……..

သူမနှင့် စစ်တုရင် ကစားသည့် အခါတိုင်းတွင် သူမ၏ စစ်တုရင် နယ်ရုပ်များထဲ၌ King ဆိုသော တိုက်ပွဲတစ်ခု ၏ အဓိကအကျဆုံးနှင့် အရေးအကြီးဆုံးသော နယ်ရုပ် တစ်ရုပ် မည်သည့်အခါကမှ မပါဝင် ခဲ့သောကြောင့်သာ ဖြစ်ပါတယ်….။

p.s- ကျွန်တော်ကလည်း မည်သည့်အခါကမှ ထို King ဆိုသော နယ်ရုပ် ကိုထည့်သွင်း ကစားပေးရန် သူမအား မတိုက်တွန်းခဲ့ပါ။

အသဲမကွဲတဲ့ဆေး....!

တစ်နေ့မှာ ရောဂါဝေဒနာ ပြင်းထန်စွာ ခံစားနေရတဲ့ လူနာတစ်ယောက်ဟာ ဆရာဝန်နဲ့ ပြသတိုင်ပင် ရန် ဆေးခန်းသို့ ရောက်ရှိလာခဲ့ပါတယ်…။

လူနာ။ ။ ဆရာ…ကျွန်တော် အသဲကွဲနေလို့။ အဲဒါ ရောဂါက မသက်သာဘူးဆရာ…။ တစ်နေ့ ထက် တစ်နေ့ပိုဆိုးလာတယ်…။ ကူညီပါအုံးဗျာ…။

ဆရာဝန်က လူနာကို တစ်ချက်မျှ ခပ်စူးစူး စိုက်ကြည့်လိုက်ပါတယ်…။ ပြီးတော့ သက်ပြင်းတစ်ခုကို ဘာကြောင့် မှန်းမသိ သူ့ဘာသာ ချရင်း ခေါင်းညိတ်ပြလိုက်ပါတယ်…။

ဆရာဝန်။ ။ ဒါဆိုလည်း ခင်ဗျား ဝေဒနာစဖြစ်ပုံကစပြီး ဘယ်လိုတွေခံစားနေရတယ် ဆိုတာ ကျွန်တော့်ကို နဲနဲလောက် ပြောပြဗျာ…။

လူနာ။ ။ အချစ်ဆိုတဲ့ အိပ်မက်တစ်ခုနဲ့ တိုက်မိရာက စတယ်လို့ပဲ ပြောရမှာပေါ့ ဆရာ…။ သူ နဲ့ တိုက်မိပြီးကတည်းက ကျွန်တော့်ညတွေ အရင်ကထက်ပိုရှည်လာလို ခံစားရတယ်။ မနက်တိုင်း လည်း "ကဗျာ" တွေအံတယ်…။ ခံတွင်းတွေလည်း ပျက်တယ်ဆရာ "သတိရခြင်း" တွေကလွဲပြီး ဘာမှစား လို့မရဘူး…။ မရိုသေ့ စကားဆရာရယ် ကန်တော့ပါရဲ့ဗျာ...။ ၀မ်းသွားရင်တောင် "မျှော်လင့်ချက်" တွေပဲ ဖြစ်ဖြစ်နေတယ်။ တစ်နေ့ ကဆို ကျွန်တော် ရုတ်တရက် မူးလဲသွားလို့ "ယုံကြည်ချက်" Drip တစ်လုံး ချိတ်လိုက်ရသေးတယ်…။

ဆရာဝန်။ ။ ခင်ဗျားကိုကြည့်ရတာ ဝေဒနာတော်တော် ကျွမ်းနေတဲ့သဘောရှိတယ်…။ စမ်းကြည့် တာပေါ့ ဗျာ…။ ကျွန်တော်လည်း တတ်နိုင်သလောက် အကောင်းဆုံး ကြိုးစား ပေးပါ့မယ်….။ အမှန်က ဒီလိုဝေဒနာမျိုး ဆိုတာ မဖြစ်ခင်ကတည်းက ကြိုတင်ကာကွယ်ထားတာ အကောင်းဆုံးဗျ။ အင်းပြောသာ ပြောရတာဗျ....။ ဒီလို ရောဂါမျိုးကလည်း ဘယ်လောက်ပဲ ကြိုတင်ကာကွယ် ကာကွယ်...။ လူတစ်ယောက်ရဲ့ ဘ၀မှာ အနည်းဆုံး တစ်ခါတော့ ဖြစ်တတ်ကျတာမျိုးပဲ...။ "သတိ" အားကောင်းသူတွေလောက်ပဲ ရောဂါမကျွမ်းခင် ပျောက်လေ့ရှိ တယ်ဗျ...။

ဆရာဝန်လည်း လိုအပ်တဲ့စမ်းသပ် စစ်ဆေးမှုတွေကို ပြုလုပ်ပြီးနောက် လူနာရဲ့မျက်နှာကို တစ်ချက်မျှ ခဏ လောက် စိုက်ကြည့်လိုက်ပါတယ်….။ အဲဒီ့နောက်မှာ ဆေးတစ်လုံးကို အသာအယာပဲ ထိုးသွင်းပေးလိုက် ပါတယ်…။

ဆရာဝန်။ ။ မပူပါနဲ့ ကျွန်တော်အားလုံး စစ်ဆေးပြီးလိုအပ်တာတွေ အားလုံးလုပ်ပေး လိုက်ပါ တယ်…။ အခု ခင်ဗျားကို ကျွန်တော်ဆေးတစ်လုံးထိုးပေးလိုက်တယ်…။ မကြာခင် အရာရာဟာ အကောင်းဆုံး ဖြစ်သွား မှာပါ…။ ကျွန်တော် အာမခံပါတယ်…။

လူနာ။ ။ ကျေးဇူးတင်ပါတယ် ဆရာရယ်..။ ဟို…သောက်ဆေးတွေ ဘာတွေရောလိုသေးလား ဆရာ?

ဆရာဝန်။ ။ မလိုပါဘူးဗျာ…။ စိတ်မပူပါနဲ့ မကြာခင်အားလုံး အကောင်းဆုံး ဖြစ်သွားမှာပါ။

လူနာ။ ။ ဒါနဲ့ဆရာ... ကျွန်တော် မသိလို့မေးပါရစေ…။ ကျွန်တော့်ကို အခုထိုးပေးလိုက်တာ ဘာဆေး လဲ ဆရာ...??

ဆရာဝန်က လူနာအား ကြင်နာမှု၊ ကိုယ်ချင်းစာမှု အပြည့်ပါသော အပြုံးနဲ့ ကြည့်ပြီး ညင်သာစွာ ဖြေလိုက်ပါ တယ်….။

ဆရာဝန်။ ။ သေဆေး…..!

p.s- ကျွန်တော်စိတ်ရူးပေါက်ပြီး ထင်ရာမြင်ရာ ရေးထားခြင်းသာ ဖြစ်ပါတယ်...။ တကယ်မှတ်ပြီး လိုက်လုပ်ကြ လို့ ဖြစ်ပေါ်လာသော အကျိုးဆက်များကို BLACK DREAM မှ လုံးဝ(လုံးဝ) တာဝန် မယူပါကြောင်း....။

အဝေးရောက် ဆုတောင်း...!

ဒီနေ့ဟာ March 9, 2008 ဖြစ်ပါတယ်။ တခြားသူတွေ အတွက် သာမန် နေ့ရက်တစ်ခုပါဘဲ။ ကျွန်တော့် အတွက်ရော…????? ကျွန်တော့အတွက်တော့…..

ကျွန်တော်ဒီနေ့မှာ တစ်စုံတစ်ယောက်ရဲ့ ဘေးနားမှာ ရှိချင်ပါတယ်…။ တစ်စုံတစ်ယောက်ရဲ့ ပန်းနုရောင် ပါးပြင်တစ်ခြမ်းကို ခပ်ဖွဖွအနမ်းလေး တစ်ခုလောက် ပေးချင်ပါတယ်။ ကျွန်တော့်ဘ၀နဲ့ အပြည့်စိုက်ပျိုးခဲ့သော ကျွန်တော့်ချစ်သူ အရမ်းမြတ်နိုးတဲ့ အဖြူရောင်နှင်းဆီ ပန်းခင်းထဲက အလှဆုံး ပန်းပွင့်တွေကို ရွေးပြီး မြတ်နိုးခြင်း အထိမ်းအမှတ်အဖြစ် ပန်းစည်းလေးတစ်ခုလောက် လက်ဆောင် ပေးချင်ပါတယ်။ ဘုရားရှင်ရဲ့ မေတ္တာရိပ်အောက်မှာ သူနဲ့အတူ ဆုံစည်းစေကြောင်း တောင်းဆုတွေ ခြွေရင်း လှပတဲ့ နံနက်ခင်းတစ်ခုကို ကျွန်တော် ဖန်တီးချင်ပါတယ်…။

ငြိမ်းချမ်းမှုတွေနဲ့ လှပနေတဲ့ ညနေခင်းလေးတစ်ခုကိုတော့….ကိတ်မုန့် သေးသေး တစ်လုံး…။ သူ့အတွက် Cappuccino တစ်ခွက် ကျွန်တော့်အတွက် Espresso Double တစ်ခွက်…ပြီးတော့ Phil Collins ရဲ့ Another Day In Paradise သီချင်းကို တိုးတိုးလေးဖွင့်ပြီး… ခပ်မှိန်မှိန် Candle Light အခန်းငယ်လေး တစ်ခုထဲမှာ အထိမ်းအမှတ်နေ့လေး တစ်ခုလောက်ကျင်းပ ချင်ပါတယ်…။ ပြီးရင် “ပျော်ရွှင် ကြည်နူးစရာ ကောင်းတဲ့ မွေးနေ့လေးတစ်ခု ဖြစ်ပါစေ ချစ်သူ” လို့ ကျွန်တော်ဆုတောင်း ပေးချင်တယ်…။ အကယ်၍ ကံကြမ္မာ ဆိုတဲ့ ဇာတ်ဆရာကသာ အခွင့်အရေးပေးခဲ့ရင်ပေါ့ဗျာ…။

ကျွန်တော် သူ့ကိုဒီနေ့မှာ စကားတွေ အများကြီး ပြောပြချင်တယ်ဗျာ…။ သူ့ကို ကျွန်တော် ဘယ် လောက်တန်ဖိုးထား မြတ်နိုးကြောင်း…။ သူ့အတွက် အိပ်မက်တွေ ကျွန်တော့အနာဂတ်ထဲမှာ ဘယ်လို ဖန်ဆင်းထားကြောင်း…။ ကောင်းကင်က ကြွေကျသွားတဲ့ ကြယ်တွေအကြောင်း…။ စိမ်းလန်း တဲ့ မြက်ခင်းပြင်တစ်ခု ပေါ်ကဖြတ်သန်းသွားလေ့ရှိတဲ့ လေနုအေးတွေ အကြောင်း…။ နေ၀င်ချိန်မှာ အိပ်တန်းပြန်လေ့ရှိတဲ့ မျော်လင့်ခြင်း ငှက်ငယ်တွေ အကြောင်း…။ ပြီးတော့…. အခုလို ခွဲခွာနေရတဲ့ အချိန်မှာ ကျွန်တော် သူ့ကိုဘယ်လောက် တမ်းတ၊ သတိရမိကြောင်းပေါ့.။ အဲဒီ့အခါကျရင် ကျွန်တော့် ချစ်သူရဲ့ မျက်ဝန်း တွေမှာ ၀မ်းနည်းမှု ကြောင့်လား….၀မ်းသာမှုကြောင့်လား ဘယ်လိုမှ ခွဲခြားမရနိုင်မဲ့ နားလည်မှု မျက်ရည် လှလှတွေ မြစ်ဖျားခံ နေလေမလား….???

ဝေးနေရမယ့် အချိန်တွေအကြောင်း သူ့ကိုကျွန်တော် မတွေးစေချင်ပါဘူး…။ ကျွန်တော်တို့ ဘယ်လောက် ဝေး ကွာတဲ့ အချိန်တွေကို အတူတကွ ဖြတ်သန်းခဲ့ပြီးကြောင်းကိုပဲ သူ့ကို သတိရစေချင်ပါတယ်…။ ရင်ဆိုင် ကြုံတွေ့ခဲ့ရတဲ့ အပေါစားပြသနာတွေ အကြောင်း သူ့ကို မတွေးစေချင်ပါဘူး…။ ကျွန်တော်တို့ ဘယ်လိုရင်ဆိုင် ဖြေရှင်းခဲ့ကြတယ် ဆိုတဲ့အကြောင်းကိုပဲ သတိရစေချင်ပါတယ်…။ ယုံကြည်မှုကို အုတ်မြစ်ချ…။ နားလည်မှုကို အခြေတည်…။ သစ္စာတရားကို ပန္နက်ရိုက်…။ သံယောဇဉ်နဲ့ ချည်နှောင်…။ မေတ္တာတရားနဲ့ ခိုင်ခံစေတဲ့ ဘ၀တစ်ခုကို ကျွန်တော်တို့ တည်ဆောက် ခဲ့ကြ ပြီးပြီဘဲ…။ ကျွန်တော်တို့ ခံတပ်ဟာ လမ်းခွဲခြင်း ဆိုတဲ့ ရန်သူတွေကို ကြံ့ကြံ့ခံ တိုက်ခိုက်နိုင်မယ် ဆိုတာ ကျွန်တော် ယုံကြည်ရင်း ပြန်ဆုံမဲ့နေ့ ရက်တွေကို စောင့်မျှော်နေကြောင်းလည်း သူ့ကို ပြောပြ ချင်ပါတယ်….။

ပြီးရင် ကျွန်တော့်ရဲ့ နိုင်ငံခြားသား ဆရာမ တစ်ယောက်က ကျွန်တော်တို့ကို Valentine’s Day အမှတ်တရ အဖြစ်ပြောခဲ့ဖူးတဲ့ ဒီဆိုရိုး စကားလေးတစ်ခွန်း သူ့ကိုပြောပြရင်း မေးခွန်းလေး တစ်ခုလောက် မေးချင်တယ်ဗျာ….။

“အချစ်ဟာ မီးတောက်တစ်ခုနဲ့ တူတယ် ဆိုကြပါစို့ ချစ်သူ…။ သေးငယ်တဲ့ ချစ်ခြင်းမေတ္တာ တရားတစ်ခုဟာ….ဝေးကွာခြင်းဆိုတဲ့ လေပြင်းတွေ တိုက်ခတ်တာနဲ့ မကြာခင်မှာပဲ ချုပ်ငြိမ်း အဆုံး သတ်သွားပါလိမ့်မယ်…။ ဒါပေမယ့် ကြီးမားခိုင်ခံ့တဲ့ ချစ်ခြင်းမေတ္တာ တရားတွေကတော့ ဒီလိုမဟုတ်ဘူး ချစ်သူ။ ဝေးကွာခြင်းဆိုတဲ့ လေပြင်းတွေ တိုက်ခတ်လေ သူတို့တွေရဲ့ မေတ္တာတရား သံယောဇဉ် တွေဟာ ပိုမိုအားကောင်း ရှင်သန်လာလေ….။ ပိုမိုတောက်ပလာလေပဲလေ….။ ဒီတော့ ချစ်သူ… မီးတောက်ခြင်း အတူတူ… တို့တွေရဲ့ မေတ္တာတရားကို ဘယ်လိုမီးတောက်မျိုး အဖြစ်ခံကြမလဲ ချစ်သူ…..???”

p.s- ငြိမ်းချမ်း ပျော်ရွှင်ဖွယ်ကောင်းတဲ့ ဘ၀တစ်ခုကို ပိုင်ဆိုင်နိုင်ပါစေ ချစ်သူ...။

ံHow To Use "Show Current Music Track" at Gtalk with Winamp 5.5

ကျွန်တော် အခြေအနေ အကြောင်းကြောင်းကြောင့် Post အသစ် မတင်ဖြစ်တာ တော်တော်လေးကို ကြာပါပြီ။ ဒါပေမယ့် ဒီနေ့တော့ Post လေးတစ်ခုတင်ဖို့ ဖြစ်လာခဲ့ပါတယ်။ အရင်ကလို Essay တွေ ကဗျာတွေတော့ မဟုတ်ပါဘူး။ နည်းပညာ (စကားလုံးနဲနဲ ကြီးသွားရင် ခွင့်လွှတ်ပါ) နဲ့ဆိုင်တဲ့ Post လေးတစ်ခုပါ။

အခုကျွန်တော် တင်ပြချင်တဲ့ အကြောင်းကတော့ Winamp 5.5 အကြောင်းပါ။ ကျွန်တော့် အမြင်အရ Winamp ဟာတစ်ခြားသော Software တွေထက် အသံ Quality ကိုပိုမိုကောင်းမွန်စေတယ်လို့ ထင်ပါတယ်။ အခုကျွန်တော် ပြောချင်တာက Winamp ကိုကြေငြာပေးဖို့ မဟုတ်ပါဘူး။ Winamp Fans တွေအတွက် သတင်းကောင်းလေး တစ်ခုပါ။

အရင် Version တွေတုန်းက Winamp ကို Gtalk မှာ "Show Current Music Track" လုပ်တဲ့နေရာမှာ ဘာပြ သနာမှ မရှိပေမယ့် Winamp 5.5 မှာတော့ ပြသနာရှိပါတယ်။ Gtalk မှာ Winamp 5.5 နဲ့ "Show Current Music Track" လုပ်လိုက်တာနဲ့ Gtalk က Not Responding ဖြစ်တော့တာပါဘဲ။ အဲဒီ့ပြသနာကို ဘယ်လိုဖြေ ရှင်းရ မယ်ဆိုတာကို ကျွန်တော်အခုတင်ပြမှာ ဖြစ်ပါတယ်။

ကျွန်တော် တော်လွန်းလို့တော့မဟုတ်ပါဘူး။ ကျွန်တော်လည်း အဲဒီ့ပြသနာကို ဖြေရှင်းဖို့ Website တွေမှာ လိုက်ရှာ ဖတ်ရင်း Article တစ်ခုကို ဖတ်မိရာမှ ကျွန်တော့်လိုဘဲ Winamp 5.5 နဲ့ Gtalk မှာ "Show Current Music Track" လုပ်မရလို့ ရွာလည်နေတဲ့ Winamp Fans တွေ အတွက်ဖော်ပြပေးလိုက် ခြင်းဖြစ်ပါတယ်။

The solution is:

Step 1: Go to the root directory of Winamp which is usually in C:\Program Files\Winamp\

Step 2: Select Tools->Folder Options->View (Tab) and uncheck the hide extensions for known file types and click Ok.

Step 3: Now create an empty file (Right click the mouse -> New -> Text document), so the default file would be like “New Text Document.txt”.

Step4: Rename the above file to “winamp.m3u” and save.

Step5: Close Winamp and Google Talk and Open them again. Then, You Are Rock!!!!

p.s- For More Information & Original Article, Please Click Here or contact to me.