ကျွန်တော်နှင့် လမ်းများ

ကျွန်တော်တို့လမ်းပေါင်းများစွာ လျှောက်ခဲ့ဖူးပါတယ်…။ အခုလည်း ကျွန်တော်တို့လမ်းတစ်ခုကို ကိုယ်စီ လျှောက် လှမ်းနေကြပါတယ်..။ ကျွန်တော်တို့ နောက်ထပ်လည်း လမ်းပေါင်းများစွာကို ဆက်လက်လျောက် လှမ်းရဦး မှာဖြစ်ပါတယ်…။ ထိုလျှောက်လှမ်းခဲ့ရသောလမ်းများသည် တစ်ချို့နေရာများတွင် အလွန် ပင်ပန်းခက်ခဲ စွာလျှောက်လှမ်းခဲ့ရပါတယ်..။ တစ်ချို့သောနေရာများတွင်တော့ သာမန်အားစိုက် ထုတ်မှုမျိုးလောက်နဲ့ လျှောက်လှမ်းနိုင်ခဲ့ပါတယ်..။ တစ်ခါတစ်လေမှာတော့ အလွန်သာယာဖို့ကောင်းတဲ့ လမ်းတွေကို ကျွန်တော်တို့မြင်တွေ့ခဲ့ဖူးပါတယ်..။ ကျွန်တော်တို့ တောင်ပေါင်းများစွာလည်းတတ်ခဲ့ဖူးကြ ပါတယ်။ ကုန်းဆင်း တော်တော်များများကိုလည်း အသာတကြည်ပဲ လှိမ့်ဆင်းခဲ့ကြဖူးမှာပါ..။ သေချာတာတစ်ခုကတော့ ကျွန်တော်တို့ ပုံစံအမျိုးမျိုးသော လမ်းများကို နည်းမျိုးစုံနဲ့ ဖြတ်သန်းလျှောက်လှမ်း ခဲ့ကြ ခြင်းပါပဲ...။

ကျွန်တော်တို့ လျှောက်လှမ်းခဲ့သောလမ်းများတွင် ဦးတည်ချက်အတိအကျရှိသော လမ်းများလည်းရှိပါတယ်။ မိမိကိုယ်တိုင် ဘယ်ကိုသွားလို့သွားနေမှန်းမသိတဲ့ လမ်းမျိုးတွေကိုလည်း ကြုံခဲ့ဖူးပါတယ်။ တစ်ခါတစ်ရံ မှာတော့လည်း ၀မ်းနည်းဖွယ်ရာပင် လမ်းလျှောက်ရင်း လမ်းပျောက်သွားတတ်ခဲ့ကြဖူးပါတယ်။ ဦးတည်ချက် အတိအကျရှိသော လမ်းတွေကို ကျွန်တော်တို့ လျှောက်လှမ်းစဉ်တုန်းမှာအင်အားတွေ၊ မျှော်လင့်ချက်တွေနဲ့ တက်ကြွလေ့ရှိကြပါတယ်။ ဘယ်ကိုရောက်လို့ ရောက်မယ်မှန်းမသိတဲ့ လမ်းမျိုးကို ကျွန်တော်တို့ လျောက်လှမ်းကြတဲ့ အချိန်မှာတော့ ကျွန်တော်တို့ရဲ့ စိတ်ကူးတွေဟာ ၀ိုးတ၀ါးနဲ့ ခပ်ရေးရေးသာ ရှင်သန်ခဲ့ကြ ပါတယ်..။ မထင်မှတ်ပဲ ကျွန်တော်တို့ရဲ့ ယုံကြည်ချက်တစ်ခု၊ ဒါမှမဟုတ် ကျွန်တော်တို့ လျှောက်လှမ်းခဲ့တဲ့ လမ်းတစ်ခုရဲ့ ဦးတည်ရာလွဲချော်ခဲ့စဉ်တုန်းကလည်း ကျွန်တော်တို့ ၀မ်းနည်း ကြေကွဲခဲ့ကြဖူးပါတယ်..။ ဘာပဲ ဖြစ်ဖြစ် ကျွန်တော်တို့ လျှောက်ခဲ့ကြပါတယ်။ လျှောက်နေကြပါတယ်..။ ကျွန်တော်တို့ ဆက်လျှောက် ကြရအုံးမှာလဲ ဖြစ်ပါတယ်…။

တစ်ခါတစ်လေကြရင် ကျွန်တော်တို့ဟာ ကိုယ်လျှောက်ရမယ့်လမ်းကို ကိုယ်တိုင်ရွေးချယ်ခဲ့ကြပါတယ်။ တစ်ခါတစ်လေတော့ လမ်းတွေက ကျွန်တော်တို့ကိုရွေးချယ်တတ်ကြပါတယ်..။ ဒီလောကရဲ့ လမ်းများတွင် ကျွန်တော်တို့ဟာ တစ်ခါတစ်ရံ “ကံ” များဖြစ်ပြီး တစ်ခါတစ်လေကြရင် “ကတ္တား” ဖြစ် သွားလေ့ရှိပါတယ်..။ ကျွန်တော်တို့ သတိထားမိလိုက်တာတွေလည်း ရှိခဲ့သလို..။ ကျွန်တော်တို့ သတိမထားမိလိုက်တာတွေလည်း များစွာရှိနိုင်ပါတယ်..။ ကျွန်တော်တို့ အချိန်မှီ ပြင်ဆင်နိုင်ခွင့်ရှိသည်များ ရှိခဲ့သလို..။ ပြင်ဆင်ပိုင်ခွင့် နောက်ကျ ခဲ့ရခြင်း..။ ဆုံးရှုံးခြင်းများကိုလည်း ကြုံတွေ့ကြရဖူးပါတယ်..။ ကျွန်တော်တို့သည် တစ်ခါတစ်ရံတွင် ထိုလမ်းများကို မိမိဆန္ဒအရ လျှောက်ခြင်လို့ လျှောက်ကြပါတယ်။ တစ်ခါတစ်ရံတွင် မလျှောက်ခြင်ပဲ လျှောက် လှမ်းရပါတယ်။ တစ်ခါတစ်ရံမှတော့ တာဝန်နဲ့ ၀တ္တရားအရ လျှောက်လှမ်းရပါတယ်..။ တစ်ခါတစ်ရံမှာတော့ တွန်းအားအမျိုးမျိုးကြောင့် လျှောက်လှမ်းခဲ့ကြရပါတယ်..။

ကျွန်တော်တို့ ထိုကဲ့သို့လမ်းတွေကို လျှောက်ကြရင်း ကြုံတွေ့ခဲ့ရတဲ့အရာတွေကလည်း များပြားလှပါတယ်..။ တစ်ခါတစ်လေအလွန်သာယာလှပတဲ့ လောကရဲ့ကောင်းခြင်းတစ်ရားတွေကို တွေ့ရှိရတာ မျိုးရှိသလို။ တစ်ခါတစ်လေမှာတော့ လောကရဲ့ အနိဌာရုံတွေကို ၀မ်းနည်းဖွဲရာတွေ့ကြုံရပါတယ်။ ကျွန်တော်တို့ ကံကောင်းခဲ့ရင်တော့ မြတ်နိုးတွယ်တာဖို့ကောင်းတဲ့ နွေးထွေးသော လက်တစ်စုံကို ရရှိကြပါတယ်..။ တစ်ချို့ သောအရာများသည် ကျွန်တော်တို့ ခရီးရဲ့အစပိုင်းလောက် ကတည်းက ကျွန်တော်တို့ရဲ့ဘေးမှာ ထပ်ကြပ် မကွာ ပါလာခဲ့သလို..။ တစ်ချို့ကြတော့လည်း လမ်းရဲ့ မထင်မှတ်တဲ့ နေရာတွေကနေပေါ်လာပြီး ကျွန်တော်တို့ နဲ့ အတူလိုက်ပါလာလေ့ရှိပါတယ်…။ ကျွန်တော်တို့ လျှောက်လှမ်းတဲ့ ဒီလမ်းခရီးရဲ့ အဆုံးအထိ အေးအတူပူ အမျှ၊ တစ်ယောက်လဲကျချိန်မှာ တစ်ယောက်က ထူမရင်း အတူပါလာခဲ့သူများရှိသလို။ နည်းအမျိုးမျိုး၊ အခြေ အနေအရပ်ရပ်ကြောင့် ကျွန်တော်တို့ရဲ့ခရီးတွေ အဆုံးမသတ်ခင်မှာ ခွဲခွာခဲ့ရတဲ့သူတွေလည်း အများအပြား ရှိခဲ့ပါတယ်…။

ကျွန်တော်တို့ဟာ ဒီခရီးကို စတင်လျှောက်လှမ်းခဲ့ကြစဉ်ကပင် တစ်ယောက်တည်းလျှောက်လှမ်းခဲ့ ကြခြင်း ဖြစ်ပါတယ်…။ ဒီခရီးတစ်ခုရဲ့ ဇာတ်သိမ်းကိုလည်းကျွန်တော်တို့ တစ်ယောက်တည်းပင် အဆုံးသတ်ရမှာဖြစ် ပါတယ်..။ ဘယ်သူတွေ ကျွန်တော်တို့ဘေးမှာ ဘယ်လိုပဲ ရပ်တည်ပေးခဲ့ပါစေ…။ ဘယ်သူတွေ ကျွန်တော်တို့ ကို ဘယ်လိုပဲ ဆန့်ကျင်ခဲ့ပါစေ..။ ကျွန်တော်တို့ရဲ့ ခရီးအဆုံးထိ တော့သူတို့ ဘယ်လိုမှပါလာနိုင်မှာ မဟုတ် ပါဘူး…။ သူတို့နဲ့ ကျွန်တော်တို့ရဲ့ ပတ်သတ်မှုဟာ အတိုင်းအတာတစ်ခုအထိပဲ ရှိခဲ့ကြပါတယ်..။ ကျွန်တော် တို့ မတောင်းဆိုဘဲ ဒီလမ်းမှာ လက်တွေ တွဲခဲ့ရသလို…။ တစ်နေ့မှာတော့ ကျွန်တော်တို့ မခွဲခြင်လည်း ဒီလက်တွဲတွေ ခွဲကြရအုံးမှာပါ..။ ကျွန်တော်တို့တွေ တိုက်ဆိုင်မှုတွေရှိလို့ ဆုံဆည်းခဲ့စဉ်မှာ ပျော်ရွှင်ခဲ့ ကြသလို..။ မတူညီမှုတွေရှိလို့ လမ်းခွဲကြရမယ့် အချိန်အတွက်လည်း ကြိုတင်ပြင်ဆင်ထားသင့်ပါတယ်…။ ဒီလိုဆိုရင်တော့ ကျွန်တော်တို့ လျှောက်ခဲ့ရတဲ့လမ်းတွေမှာ ၀မ်းနည်းပူဆွေးမှုတွေဟာ အတိုင်းအတာတစ်ခု အထိတော့ လျော့နည်းသွားနိုင်ပါကြောင်း….။

p.s- လမ်းခရီးတစ်ခုရဲ့ အဆုံးတွင် အခြားသောခရီးတစ်ခု၏အစသည် အမြဲတည်ရှိနေတတ်ပါသည်။